Aldaǵy kúnderi elimizdiń basym bóliginde qar jaýyp, boran soǵady
ASTANA. QazAqparat - 8-10 jeltoqsan aralyǵynda elimizdiń birqatar aımaqtarynda qar jaýyp, boran soǵady, dep habarlaıdy «Qazgıdromet» RMK.
5 jeltoqsanda Islandııada qalyptasqan kúshti tsıklon Reseıdiń Eýropa aýmaǵynyń soltústik aýdandaryna jetti jáne shyǵysqa qaraı jyljýda. 8 jeltoqsanda ol óziniń áserimen Batys Sibirdi jáne Qazaqstandy qamtıtyn bolady. Osy tsıklon yqpalymen soltústik, ortalyq jáne shyǵys oblystarda qar jaýady, boran soǵady, batystan 18-25, keı jerlerde ekpini 28 m/s deıin jetetin jel soǵady.
Respýblıkanyń batysynda jáne ońtústiginde tsıklonmen baılanysty atmosferalyq fronttardyń áserinen jańbyr, jabysqaq qar, tuman jáne kóktaıǵaq kútiledi. Munda keı jerlerde jel 15-23 m/s deıin kúsheıedi, Jambyl oblysynda 25-28 m/s deıin jel soǵady.
