Aldaǵy kúnderi elimizdiń barlyq óńirlerinde aýa temperatýrasy tómendeıdi
ASTANA. QazAqparat - 20-22 tamyz aralyǵynda Qazaqstandaǵy ystyq aýa raıymen baılanystaǵy troposferadaǵy batys aǵyndar soltústik, soltústik-batysqa aýysady.
Soltústiktegi teńiz aýdandarynan keletin salqyn jáne dymqyl aýa Azııadan keletin ystyq jáne qurǵaq aýany aýystyrady, dep habarlaıdy «Qazgıdromet» RMK.
Sondyqtan respýblıkamyzdyń barlyq derlik aýmaǵynda jaqyn aradaǵy úsh táýlikte ár jerlerde jańbyr jaýyp, naızaǵaı oınap, burshaq jaýady, 15-20 m/s uıtqyma jel soǵyp, temperatýranyń tómendeýi kútilýde.
18 tamyzda batys oblystardy almaǵanda, Qazaqstandaǵy temperatýranyń aýytqýy normadan 3-6 º joǵary, al soltústik oblystarda 7-12º joǵary bolsa, 22 tamyzda ol normadan 3-6º tómen bolady.
