Aldaǵy kúnderi elimizde kún sýytady - Qazgıdromet
NUR-SULTAN. QazAqparat – Qazgıdromet 5-7 mamyrǵa arnalǵan aýa raıy boljamyn jarııalady, dep habarlaıdy QazAqparat.
Antıtsıklon Qazaqstannyń basym bóliginde qysqa merzimge kúnniń sýytýyna yqpal etedi. «Respýblıkanyń ońtústiginde frontaldy bólikterdiń ótýimen jańbyr, keı jerlerde naızaǵaımen, ekpindi jelmen qatty jańbyr jaýady, sondaı-aq keı jerlerde burshaq túsýi múmkin. Túngi saǵattarda soltústik, ortalyq, shyǵys jáne ońtústik-shyǵystyń taýly aımaqtarynda termometrdiń synap baǵanalary 0℃-tan tómen túsedi. Alaıda kezeńniń sońyna qaraı ońtústik troposferalyq aǵyndarmen respýblıkanyń barlyq aýmaǵynda temperatýranyń joǵarylaýy kútiledi», - delingen habarlamada.
