Aldaǵy kúnderi elimizde kún salqyndaıdy, tek batysta +33 gradýsqa deıin ystyq bolady
ASTANA. QazAqparat - 22-24 qyrkúıek kúnderi Iran aýmaǵynan keletin aýa aǵymy áserinen Qazaqstannyń batys oblystarynda +25-33º aralyǵynda jyly aýa raıy saqtalady, ol normadan 7-10º joǵary.
Ońtústikte jaýyn-shashynsyz. Biraq soltústik-batystan aýa massalary keledi, sondyqtan temperatýra da tómen bolady. Aldaǵy úsh táýlikte temperatýra kóp jylǵy ortasha kórsetkishke jaqyn bolady dep kútiledi.
Respýblıkanyń qalǵan aýmaǵy burynǵydaı Ýral aýmaǵynan jyljıtyn sýyq atmosferalyq fronttar aıasynda bolady. Munda keı jerlerde jaýyn-shashyn túsedi, túnde tuman bolady. Keıin temperatýra 0-den tómen túsedi.
