Aldaǵy kúnderi el aımaqtarynda kún sýytady
ASTANA. QazAqparat - 10-12 jeltoqsan aralyǵynda elimizde kún raıy jaýyn-shashynsyz bolady, dep habarlaıdy «Qazgıdromet» RMK.
Jylýdyń jáne ylǵaldyń kóp mólsherdegi qory bar qatty atlantıkalyq tsıklon Batys Sibir aýmaǵy arqyly ótip, óziniń ońtústik lebin Qazaqstanǵa ákeldi.
Nátıjesnde elimizdiń soltústik oblystarynda boran soǵyp, qar jaýdy, batystan kúshti jel soǵyp, keı jerlerde onyń ekpini 28-36 m/s jetkeni baıqaldy.
Alaıda 10 jeltoqsanda tsıklon ortalyǵy Batys Sibirdiń soltústik-shyǵys aýdandaryna yǵysady, al Qazaqstan aýmaǵyna Shyǵys Eýropadan antıtsıklon aýysa bastaıdy. Sondyqtan aldaǵy táýliktrde qardyń jaýýy, boran jáne jel báseńdeıdi, al onyń ornyna keletin antıtsıklon temperatýranyń qysqa merzimdi tómendeýin týdyrady.
Biraq Atlantıkadan keletin jyly jáne ylǵaldy aýa massasynyń endik aýysýy ornyǵyp qalǵandyqtan, ol respýblıka aýmaǵyna sýyq arktıkalyq aýanyń kelýine kedergi keltiretin bolady, sol sebepti aýa temperatýrasy burynǵydaı normadan joǵary bolady, biraq ótken táýlikterdegideı 8-13º emes, normadan nebári 2-5º joǵary bolady.
