Aldaǵy kúnderi Astanada talapkerlerdi keshendi testileý ótedi
ASTANA. QazAqparat - Qazaqstanda 2015 jylǵy 20 maýsym men 9 shilde aralyǵynda keshendi testileýge qatysatyn talapkerlerden ótinishter qabyldaý júrgizildi. Astana qalasy boıynsha jalpy 5755 ótinish kelip túsken, olardyń 3374-i qazaq tilinde, 2381-i orys tilinde. Sonymen qatar, mektep túlekterinen 825 ótinish, 11 synyptan keıin oqýǵa túsken tehnıkalyq jáne kásibı bilim berý mekemeleriniń túlekterinen 1037 jáne 9-synyptan keıin oqýǵa túsken tehnıkalyq jáne kásibı bilim berý mekemeleriniń túlekterinen 3893 ótinish qabyldandy.
Elordada talapkerlerdi keshendi testileý shilde aıynyń 18-23 aralyǵynda S. Seıfýllın atyndaǵy Qazaq agrotehnıkalyq ýnıversıtetinde, L.N. Gýmılev atyndaǵy Eýrazııa Ulttyq ýnıversıteti men Qazaq GZÝ-da ótikiziledi.
Eske sala keteıik, keshendi testileý talapkerdiń qalaýy boıynsha qazaq nemese orys tilinde 4 pán boıynsha tapsyrylady: qazaq nemese orys tili (oqyǵan tili boıynsha), Qazaqstan tarıhy, matematıka jáne tańdaǵan pán.
UBT kezinde test tapsyrýshylarǵa 3,5 saǵat berilse, keshendi testileý 2,5 saǵatqa sozylady. Testileý ár pán boıynsha 25 suraqtan turady. Jalpy suraqtar sany - 100. Joǵary oqý oryndaryna túsý úshin talapker 70 balldan joǵary jınaýy tıis.
