Aldaǵy kúnderi Astanada qar jaýyp, boran soǵady
ASTANA. QazAqparat - Aldaǵy kúnderi Astanada qar jaýyp, boran soǵady, dep habarlaıdy elorda ákimdiginiń resmı saıty.
Qazirgi kezde qar jınaý jumystaryna qala boıynsha 2433 adam tartylyp otyr. Olar eki aýysymmen jumys istep, joldar men trotýarlardy qardan tazalaýda. Qalyń qar jaýǵanda jáne odan keıin obektilerdi qardan tez tazalaý úshin qosymsha vedomstvoǵa qarasty uıymdardyń jumysshylary jumyldyrylady.
Búgin 1124 birlik kommýnaldyq tehnıka qar jınaý jumystaryna kiristi, sonyń ishinde 432 samosval, 127 trotýar jınaıtyn mashına, 189 júk tıegish jáne t.b. bar.
23 jeltoqsandaǵy jaǵdaı boıynsha, jyl basynan beri qalalyq qar polıgonyna 561 171 tekshe m. qar shyǵaryldy, 12 631 tekshe metr qum-tuz qospasy tóseldi.
Sınoptıkterdiń boljamynsha, jeltoqsannyń 22-nen 23-ne qaraǵan túni qalada 2,9 mm, al 1 jeltoqsannan beri 11,4 mm qar jaýǵan, aılyq norma 22 mm quraıdy.
Búgin elordada kún bultty, kóktaıǵaq, jaýyn-shashyndy bolady, boran, ońtústik-batystan 9-14 m/s jyldamdyqpen jel soǵady dep kútilýde. Kúndiz aýa temperatýrasy +2, 0°S, túnde -4-6°S bolady.
Erteń, 24 jeltoqsanda Astanada jaýyn-shashyndy bolady, ońtústik-batystan 9-14 m/s jyldamdyqpen jel sooǵady, keı jerlerde ekpini 15-20 m/s jetedi. Aýa temperatýrasy kúndiz 0+2°S, túnde 0-2°S bolady.
Juma, 25 jeltoqsanda Astanada kún bultty bolady, qar jaýyp, boran soǵady. Ońtústik-batystan 9-14 m/s jyldamdyqpen jel soǵady, keı jerlerde ekpini 15-20 m/s jetedi. Aýa temperatýrasy kúndiz 0-2°S, túnde -2-4°S bolady.
