Aldaǵy kúnderde kún sýytyp, qar túsedi, kóktaıǵaq bolady - Qazgıdromet
ASTANA. QazAqparat - Ótken táýlikterde, shetki ońtústik aýdandardan basqa, barlyq aýmaqta aýa temperatýrasy klımattyq normadan 3-8º joǵary boldy.
Biraq búginniń ózinde-aq Batys Sibir aýdandarynan jyljyp kele jatqan, arktıkalyq sýyq leptiń yqpalynan temperatýra tómendeı bastaıdy, sondaı-aq qar, tuman, kóktaıǵaq túrindegi jaýyn-shashyn bolady, dep habarlady Qazgıdromet.
Demalys kúnderi de osyndaı aýa raıy saqtalady. Al dúısenbide Skandınavııanyń soltústik aýdandarynda qalyptasqan, sýyq antıtsıklon respýblıka aýmaǵyna enedi, jaýyn-shashyn azaıyp, temperatýra 2-7º-qa deıin tómendep, túngi saǵattarda keı jerlerde 10-15º-qa deıin aıaz bolady. Qazaqstannyń ońtústiginde jáne ońtústik-shyǵys oblystaryndaǵy aýa raıynyń, osy kezeńdegi respýblıkanyń soltústik jartysyndaǵy aýa raıynan tipti ózgesheligi joq.
