Aldaǵy Qazaqstan Respýblıkasy Táýelsizdiginiń 20 jyldyq mereıtoıy - elimizdiń jańa tarıhyndaǵy zamanalyq mańyzy bar oqıǵa- Q.Saýdabaev

QazAqparat «Táýelsizdiktiń 20 jyldyǵyn ótkizý jónindegi tujyrymdama men is-sharalar jospary týraly» Qazaqstan Respýblıkasynyń Memlekettik hatshysy-Syrtqy ister mınıstri Qanat Saýdabaev baıandamasynyń negizgi qaǵıdalaryn nazarlaryńyzǵa usynady.

Esterińizge sala keteıik, keńes 28 qańtar kúni ótken bolatyn.

Qurmetti Nursultan Ábishuly!

Qurmetti keńeske qatysýshy qaýym!

Táýelsizdik elimiz úshin, árbir qazaqstadyq úshin úlken mańyzǵa ıe. Táýelsizdik alǵan kezden bastap turaqtylyq pen jasampazdyq arqyly sıpattalatyn bizdiń tarıhıymyzdyń jańa paraǵy bastalady.

Egemendik arqyly biz táýelsiz memleket qura aldyq, bolashaqqa degen senim, nyǵaıý men halyq birligi faktorlary paıda boldy.

Jyl ótken saıyn biz memleketimizdiń azattyǵy barlyq jetistikterimizdiń berik negizi bola bilgenin túsinemiz. Qazaqstan ómirdiń barlyq salasynda iri reformalardy oıdaǵydaı júzege asyrǵan, qabiletti memleketke aınaldy.

Aldaǵy Qazaqstan Respýblıkasy Táýelsizdiginiń 20 jyldyq mereıtoıy - elimizdiń jańa tarıhyndaǵy zamanalyq mańyzy bar oqıǵa. Bul - Tuńǵysh Prezıdent-Elbasy Nursultan Nazarbaevtyń kóshbasshylyǵymen egemendik jyldary áleýmettik-ekonomıkalyq jáne qoǵamdyq-saıası damýynda tamasha jetistikterge qol jetkizgen búkil halyq pen barsha Qazaqstannyń ortaq merekesi.

Azattyqtyń 20 jyldyǵy tarıhymyzdyń altyn kezeńi boldy dep aıtýǵa búginde tolyq negiz bar. Tarıhı ólshemmen alyp qaraǵandaǵy osy az ǵana jyldar ishinde burynǵy keńestik respýblıkalardyń eshqaısysyna belgisiz bolyp, ómir súrýiniń ózi kúmán týdyrǵan Qazaqstan aty áıgili, ózin moıyndatqan jáne qurmetti aımaqtyq derjavaǵa aınaldy, al Prezıdentimiz adamzat tarıhynyń jańa qadamyn anyqtap otyrǵan álemdik kóshbasshylardyń qataryna qosyldy.

Biz sondaı-aq qazaqstandyqtar óz memleketiniń mereıtoıyn ózderiniń bolashaǵyna jáne balalarynyń bolashyǵyna degen senimmen qarsy alǵaly otyr dep aıta alamyz.

Biz aldaǵy qadamdarymyzdy anyq basa alamyz, memleketimizdiń qýatyn nyǵaıtý men halqymyzdyń ál-aýqatyn jaqsartýǵa baǵyttalǵan salystyrmaly josparymyz bar.

Sondyqtan aldaǵy mereke -aımaq pen geosaıasatta mańyzdy turaqtandyrý rólin atqaryp otyrǵan, ózine degen senimi mol, myqty memleket - Qazaqstan Respýblıkasyn qazaqstandyqtar men barsha álemge tanyta alatyn biregeı múmkindik.

Qurmetti Nursultan Ábishuly!

Qurmetti keńeske qatysýshy qaýym!

Osy oqıǵaǵa asa zor mán bere otyryp, memlekettik organdar byltyrǵy jyly qajetti daıyndyq jumystaryn júrgizdi.

Biryńǵaı algorıtmmen qamtamasyz etý maqsatynda aldaǵy jumystardyń negizgi ıdeologııalyq baǵyttaryn kórsetetin Táýelsizdiktiń 20 jyldyǵyn atap ótý Tujyrymdamasy ázirlengen bolatyn.

Memlekettilikti, Qazaqstan halyqtarynyń birligi men turaqtylyq, beıbitshilik pen kelisim negizindegi qundylyqtardy odan ári nyǵaıtý Táýelsizdiktiń 20 jyldyǵyn toılaýdaǵy negizgi maqsat bolýy kerek dep esepteımiz.

Táýelsizdiktiń 20 jyly - jetistikterimizdi uǵyný men bolashaqqa degen mindetterimizdi aıqyndaý múmkindigi. Mereıtoıdy atap ótý memlekettilik pen patrıottyqty nyǵaıtýǵa sebepshi bolýy kerek. Bul mereıtoıdy ekonomıkada, áleýmettik salada, ǵylym men mádenıette jańa úmittermen qarsy alǵan durys.

Osy tarıhı oqıǵany atap ótý aıasynda negizgi jetistigi saýatty memlekettik saıasat, azamattyq beıbit ómir men ultaralyq kelisim bolǵan Qazaqstandy myqty, qarqyndy damý ústindegi jáne álem moıyndaǵan el retinde tanytý mindetin moınymyzǵa aldyq. Qoǵam arasynda óz tarıhyna degen qurmettik qarym-qatynas pen patrıottyq rýhty nyǵaıtý, memleketimizdiń bolashaǵy úshin jalpyǵa ortaq jaýapkershilikti sezinýdi qalyptastyrý óte mańyzdy.

Sońǵy nátıjesinde, elimizdiń árbir azamaty mereıtoılyq is-sharalarǵa belsene at salysýy kerek.

Mereıtoıdy atap ótý Tujyrymdamasyn oryndaýda Táýelsizdiktiń 20 jyldyǵyn atap ótý jónindegi is-sharalar jospary daıyndaldy. Ol múddeli memlekettik organdarmen kelisilip, tolyqtaı qarjylandyryldy.

Josparda jyldyń árbir aıy óziniń taqyryptyq baǵytyna arnalatyn negizgi baǵdarlama kórsetilgen.

Qańtarda Azıada bastalady. Bul aı sportqa, sońǵy 20 jyldaǵy qazaq sportynyń jetistikterin elimiz ben shetelderge keńinen tanystyrýǵa arnaldy.

Aqpan aıy Qazaqstannyń joǵarǵy halyqaralyq bedeline arnalatyn bolady. Qoǵam nazary elimizdiń syrtqy saıasattaǵy bastamalary men jetistikterine, álemiń barlyq elderimen dostyq qarym-qatynas nyǵaıtýdaǵy bastamalaryna aýdarylady.

Naýryz aıynda ótkiziletin is-sharalardyń negizgi taqyryby - urpaqtar sabaqtastyǵy men otbasy qundylyqtaryna degen qurmet taqyryptaryna arnalmaq. «Aýyldyń gúldenýi - Qazaqstannyń gúldenýi», «El qazynasy», «Táýelsizdik qurdastary» sııaqty osyndaı is-sharalar aıasynda eldi mekenderdi abbattandyrý, tarıhı-mádenı muralardy tanymal etý, ómirlik jáne otbasylyq qundylyqtardy nasıhattaý, jastar arasynda patrıottyq ruhty qalyptastyrý jónindegi is-sharalar ótkiziledi.

Sáýir aıynda merekelik sharalardyń jalǵasy ınnovatsııalyq-ındýstırıalyq damý taqyrybymen jalǵasady. Bir aı boıy eldi reformalaý men ekonomıkany ártaraptandyrýdaǵy ǵylym men jańa tehnologııalardyń alatyn ornyna, róline basa nazar aýdarylady.

Mamyr aıynda birlik pen taǵattylyq taqyrybyna arnaǵan is-sharalar ótedi. Biz Qazaqstan halyqtarynyń Birlik kúnin, Otan qorǵaýshylar kúni men Uly Otan soǵysyndaǵy Jeńis kúnin keń kólemde atap ótetin bolamyz.

Al maýsym aıyndaǵy is-sharalardyń basty taqyryby patrıottyq bolmaq. Respýblıka boıynsha patrıottyq aktsııalar, oıyndar men ártúrli baıqaýlar ótkiziledi dep josparlanyp otyr.

Astana qalasy memleket táýelsizdiginiń, onyń bolashaqqa degen talpynysynyń sımvoly bolyp tabylatyndyqtan, shilde aıy Qazaqstannyń elordasyna arnalady.

Tamyz aıy Táýelsiz Qazaqstannyń Konstıtýtsııasy degen uranmen ótedi. Bir aı kóleminde Táýelsizdigimizdiń quqyqtyq negizderine arnalǵan ártúrli is-sharalar ótedi.

Al qyrkúıek aıy Bilim kúnin atap ótýden bastalyp bilim berý, mádenıet, tilder, qazaqstandyq qoǵamdaǵy rýhanı kelisimder máselelerine arnalatyn bolady.

Qazan aıynda aýyl jaǵdaıyna basa nazar salatyn bolamyz. Biz aýyl sharýashylyq jylyn qorytyndylap, agroónerkásiptik keshendegi jobalarǵa erekshe kóńil bólemiz.

Qarasha aıy Údemeli ındýstrııalyq-ınnovatsııalyq damý baǵdarlamasyna arnalyp, Ulttyq valıýta kúnin toılaýdan bastalady. Al qorytyndy kezeńde (26 qarashadan bastap 15 jeltoqsanǵa deıingi aralyq) Qazaqtan táýelsizdiginiń negizgi jetistikterinen syr shertetin «Táýelsizdiktiń jıyrma shyńy» degen uranmen jıyrma kúndik is-shara ótetin bolady.

Osy is-shara aıasynda basty nazar negizgi qundylyqtarymyz ben táýelsizdik jetistikterine salynyp, sondaı-aq árbir kúni osy taqyryptarǵa arnalmaq.

Atap aıtqanda, bul kúnder memlekettik rámizderge, Qazaqstan shekarasyna, Kostıtýtsııasyna, ıadrolyq qarýsyz álem qurý jónindegi memleket bastamalaryna, halyq birligi men azamattyq qoǵam ınstıtýtyna, urpaq sabaqtastyǵy men jastarǵa, sport, ǵylym, mádenıet, aqparattyq tehnologııalar, ulttyq valıýta, turǵyn úı qurylysy, agrlarlyq salalaryna, Qazaqstannyń elordasyna, bilim berý men azamattardyń densaýlyǵyna arnalady dep kózdelip otyr.

Sharyqtaý kezeńniń sońǵy kúnderi ındýstrııalyq-ınnovatsııalyq damý baǵdarlamasyna, memlekettik til, sonymen qatar Táýelsizdik muraty men qundylyqtaryna arnalatyn bolady.

Osylaısha egemendiktiń 20 jyldyq mereıtoıyn laıyqty qarsy alýǵa degen daıyndyq birneshe jyldar ishinde júrgizilip keledi. Cáıkes jospar ázirlenip, jańa ǵana Úkimet basshysy Kárim Másimov baıandap ótkendeı, ortalyqtar men árbir jerdegi basshylar óz qyzmetterin jaqsy bilip otyr.

Al men elimizdiń 20 jyldyq merekesi birliktiń, yntymaqtyń, jasampazdyq pen búgingi kúni óziniń jaqsy ómir súrýin tek Elbasynyń atymen baılanystyryp otyrǵan otandastar úmitiniń merekesi retinde atap ótýge múmkindik beredi degen oımen, óz tarapymnen birqatar usynystar aıtqym keledi.

Bul jumysta men eki negizdi ólshemdi kórip otyrmyn, ıaǵnı ishki saıasat jáne syrtqy saıasat ólshemderi.

El ishinde árbir otbasy, árbir shańyraq, árbir kóshe, árbir aýyl, árbir qala men árbir oblys merekege daıyndala otyryp, óz jetistikterine, artta qalǵan jyldarǵa kóz salýymen qatar, ózderin retke keltirip, bolashaqqa degen jospar qurýyna qol jetkizýimiz kerek. Bul rette Siz, Nursultan Ábishuly halyqqa úmit berip bastaǵan bastama «Jol kartasy» úmitterdi aqtady.

Naqty jospar boıynsha áleýmettik mańyzdy jobalardy tolyq jáne ýaqtyly júzege asyrý kerek. Biz eskini de umytpaýymyz kerek, eski degen sóz, jaman degen sóz emes: eń jaqsy syılyq - ekpindi eńbek, barsha qazaqstandyqtar osyny túsinýleri kerek.

Toılaýdyń mádenı-rýhanı mazmunyna da úlken nazar aýdarylatyn bolady. Festıvalder, baıqaýlar, konferentsııalar uıymdastyrylady; buqaralyq aqparat quraldarynda arnaıy aıdarlar ashylady. Bul baǵyttaǵy jumystyń mańyzdy bir bóligi - Baılanys jáne aqparat mınıstrliginiń «Qazaqstan -kórshilerdiń kózimen» atty jobasy bolmaq, ázirge bul shartty ataý, bul joba elimizdiń tolaıym tabystaryn qazaqstandyqtardyń arasynda keńinen nyǵaıtýǵa múmkindik beredi.

Mereıtoı jylyndaǵy negizgi is-sharalardyń qatary osynyń bárin júzege asyrýǵa múmkindik beredi.

Solardyń negizgisi - búgin ózińiz Palamentte jasaǵan dástúrli Qazaqstan halqyna Joldaýyńyz.

Mereıtoı jylynda josparlanyp otyrǵan sharalardyń qatarynda sondaı-aq Azıada oıyndary, «Nur Otan» partııasynyń HІІІ kezekten tys sezi, Áıelder sezi, Ulystyń Uly kúni - Naýryz meıramy, Halyqtar birligi kúni jáne onyń aıasynda ótetin Qazaqstan halqy Assambleıasynyń kezekti sessııasy, Otan qorǵaýshy kúni men Jeńis kúni, Qazaqtardyń quryltaıy, Memlekettik rámizder kúni sııaqty sharalar bar.

Jyldyń ekinshi jartysy Qala kúnin toılaıdan bastalady. Odan keıin Konstıtýtsııa kúni, V Azamattyq forým, Qarjygerler kongresi jáne eń basty shara - «Táýelsizdiktiń jıyrma shyńy» dep atalatyn «jıyrma kúndik» shara.

Sonymen qatar, Táýelsizdiktiń 20 jyldyǵyn toılaý Qazaqstannyń ǵana, tek qazaqstandyqtardyń ǵana merekesi bolyp qalmaýy úshin syrtqy jaqta da naqty, maqsatty jumystar júrgizilýi kerek.

Osy baǵyttaǵy sharalar, ıaǵnı tóńireginde aqparattyq-ımıdjdik jumystar júrgiziletin sharalar - mamyr aıyndaǵy 4-Astana ekonomıkalyq forýmy, maýsym aıyndaǵy ShYU sammıti, maýsym aıynda ótetin Dúnıejúzilik ıslamdyq ekonomıkalyq forým men Islam konferentsııasy uıymy Syrtqy ister mınıstrleri keńesiniń 38-keńesi, shilde aıynda toılanatyn Elorda kúni, tamyz jáne qyrkúıek aıynda atap ótiletin Semeı ıadrolyq synaq polıgonynyń jabylýynyń 20 jyldyǵy, jáne jeltoqsan aıynda toılanatyn Táýelsizdiktiń 20 jyldyq merekesi bolyp tabylady. Naýryz aıynda Mysyrda ótetin IKU 12-shi sammıtin de aıta ketý kerek. Onda bizdiń Elbasynyń sóz sóıleýi josparlanǵan. Oǵan qosa, shetelderde Qazaqstannyń jetistikterin keńinen tanystyratyn keshendi aqparattyq-nasıhattar is-sharalar, atap aıtqanda halyqaralyq konferentsııalar, semınarlar, «dóńgelek ústel» otyrystary, tanystyrylymdar, t.b. sharalar ótkizilmek.

Qurmetti Nursultan Ábishuly!

Qurmetti áriptester!

Táýelsizdiktiń 20 jyldyǵy - bul tarıhı oqıǵa. Osyǵan oraı, osynaý ataýly oqıǵany ótkizý jónindegi is-sharalardyń jospary elimizdiń búkil qoǵamdyq-saıası tirshiligine serpin beredi.

Negizgi mindet - bizdiń josparlarymyz ben tilek-nıetterimizdi naqty jetistikterge ulastyrý. Eń bastysy, Qazaqstannyń Táýelsizdik merekesiniń 20 jyldyǵy - bizdiń ekonomıkalyq áleýetimizdi, artyp otyrǵan múmkindikterimizdi, qazaq halqynyń rýh birligin pash etý bolyp otyrady.

Qadirli Nursultan Ábishuly!

Búgin, Sizdiń tarıhı Joldaýyńyzdan keıin, elimiz tek aǵymdaǵy jylǵa ǵana emes, aldaǵy onjyldyqqa damýdyń naqty baǵyt-baǵdaryna, aıtýly mindetterine ıe boldy.

Qazaqstan halqyna Joldaýyńyzda Siz ekonomıkany ári qaraı damytýdyń, ındýstrııalandyrýdyń, jańa áleýmettik saıasat pen quqyqtyq reformanyń naqty mindetterin baıan ettińiz. Siz mindettegen strategııalyq baǵdarlar memleketimizdiń damýyna jańa serpin beredi, qazaqstandyqtardyń ózderine degen senimderin nyǵaıtady dep senemin.

Osynaý senim el bolashaǵyna, Elbasyna degen senim bizdiń halqymyzǵa Táýelsizdiktiń jıyrma jyly boıy dem berip keldi. Mine, sondyqtan da Qazaqstan saılaýshylarynyń jartysynan astamy Sizdiń prezıdenttik ókilettigińizdi 2020 jylǵa deıin uzartý týraly bastamaǵa óz qoldaryn qoıdy.

Qazaqstan azamattary, Táýelsizdiktiń 20 jyldyq mereıtoıy qarsańynda referendým ótkizý ıdeıasyn kótere otyryp, nátıjege baǵyttalǵan saıası pragmatızm ıdeologııasyn ustanyp otyr. Elimizdiń áleýmettik-ekonomıkalyq jetistikteri Elbasynyń biregeı roliniń arqasynda múmkin bolyp otyrǵanyn qoǵam túsinip otyr. Sondyqtan da halyq, Siz júrgizip otyrǵan strategııalyq damý baǵytynyń aldaǵy jyldary da saqtalǵanyn qalaıdy. Referendým barsha qazaqstandyqtardyń turmysyn jańartýǵa jáne jaqsartýǵa jaǵdaı jasaıdy, Qazaqstannyń táýelsizdigi nyǵaıa túsedi.

Múmkindikti paıdalana otyryp, taǵy bir máselege toqtalǵym keledi. 45 jylda balyqshylar derevnıasynan jalpy ishki ónimi jan basyna shaqqanda álemdegi eń joǵary memleket-qalaǵa aınalǵan Sıngapýrdyń tarıhy barshaǵa aıan. Sıngapýrdyń tálimger-mınıstri Lı Kýan ıÝ myrza óziniń jańa kitabynda («Sýrovye pravdy radı dalneıshego progressa Sıngapýra») aıtqan myna bir pikiri biz úshin taǵlymdy bolady dep oılaımyn. Óskeleń urpaqqa arnaǵan myna bir sózinde ol: «Biz áli qalyptasý jolyndaǵy memleketpiz. Tabysqa jetemiz be? Maqsatqa qol jetkizetindigimizge men senemin be? Men olaı dep aıta almaımyn. Jol-jónekeı burys ketip, biz tyǵyryqqa tirelýimiz múmkin. Sondyqtan da, bizdiń izimizben kele jatqan óskeleń urpaqtyń mindeti - bizdiń qoǵamnyń osal jerleri men názik tustaryn túsiný jáne taǵattylyqty, bir-birimizdi qabyldaýdy saqtaı otyryp, qazirgideı birlikti saqtap qalý», - deıdi.

100 paıyz uqsas bolmasaq ta, búginde Elbasynyń basshylyǵymen Qazaqstan Táýelsizdiginiń 20 jyldyǵyn toılaýǵa daıyndalyp otyrǵan kezimizde, Sıngapýr ǵajaıybynyń atasy atanǵan osy bir adamnyń sóziniń bizge de qatysty tustary bar. Dálirek aıtqanda, bizdiń Tuńǵysh Prezıdentimiz usynyp otyrǵan Qazaqstannyń strategııalyq damý josparynyń birizdiligi men maqsattylyǵy jáne halyqtyń ózimizdiń, qazaqstandyq ǵajaıybymyzdyń avtory atanyp otyrǵan Elbasy Nursultan Nazarbaevtyń tóńiregine jınalý qajettiligi.

Sondyqtan da Táýelsizdiktiń 20 jyldyǵyn laıyqty toılaýmen qatar, halqymyz úshin qajetti Prezıdenttiń ókilettigin 2020 jylǵa deıin uzartý týraly referendýmdy ótkizýdiń de tarıhı turǵydan da, strategııalyq turǵydan da ádil bolatyndyǵyna senimdimin.

Nazarlaryńyzǵa rahmet!