Aldaǵy qańtar aıynda elimizdegi janar-jaǵarmaı baǵasy ózgermeıdi - Munaı jáne gaz mınıstrligi
ASTANA. 27 jeltoqsan. QazAqparat /Qanat Mámetqazyuly/ - Munaı jáne gaz mınıstrligi 2012 jyldyń qańtar aıyndaǵy janar-jaǵarmaıdyń bólshek saýdadaǵy satylym baǵasyn 2011 jyldyń jeltoqsan aıyndaǵy deńgeıde qaldyrdy.
Bul týraly mınıstrliktiń baspasóz qyzmetinen habarlandy.
«Qazaqstan Respýblıkasy Munaı jáne gaz mınıstrliginde munaı ónimderimen ishki naryqty qamtamasyz etý jáne janar-jaǵarmaı baǵasynyń qalyptasýy máseleleri boıynsha ótken kezekti keńestiń sheshimine sáıkes 2012 jyldyń qańtar aıynda respýblıkalyq janar-jaǵarmaı stantsııalaryndaǵy bólshek saýda baǵalarynyń shekti deńgeıi mynany quraıdy:
- Aı-92/93 benzıni ≤ 106,0 teńge/lıtr;
- Aı-80 benzıni ≤ 86,0 teńge/lıtr;
- dızel otyny ≤ 90,0 teńge/lıtr;», delingen baspasóz qyzmeti jarııalaǵan habarlamada.
