Aldaǵy eki jylda jańartylatyn energetıka salasynda elýge tarta jobanyń qurylysy bastalmaq
ASTANA. 21 aqpan. QazAqparat - Aldaǵy eki jylda elimizde jańartylatyn energetıka salasynda elýge tarta jańa jobanyń qurylysy qolǵa alynady.
Búgin Parlament Cenatynyń jalpy otyrysynda «Jańartylatyn energııa jónindegi halyqaralyq agenttiktiń (IRENA) Jarǵysyn ratıfıkatsııalaý týraly» qujatty talqylaý barysynda QR Premer-Mınıstriniń orynbasary - Indýstrııa jáne jańa tehnologııalar mınıstri Áset Isekeshev osylaı málim etti.
Vedomstvo basshysynyń aıtýynsha, sońǵy 3 jylda Qazaqstannyń jańartylatyn energetıka salasynda 27 joba qoldanysqa endi. Onyń ishinde 18-i sý elektr stansasy, jel jáne kún energetıkalary men bıogaz qondyrǵylary bar.
«Al qazir Májiliste talqylanyp jatqan jańa zań jobasynda jańartylatyn energetıka salasyn damytýǵa qosymsha sharalar, keńirek múmkindikter qarastyrylady. Sonyń arqasynda biz jaqyn aralyqtaǵy eki jyl ishinde elý shaqty jobanyń qurylysy bastalady dep úmittenemiz. Bul rette Qazaqstannyń balama qýat óndirisinde eń aldymen ózindik quny arzan sanalatyn jel energetıkasynyń áleýeti zor bolmaq», - dedi Premer-Mınıstrdiń orynbasary.
