Aldaǵy eki jylda Ulttyq qurama komandalardyń jaǵdaıyn jasaýǵa negizdelgen jumystar atqarylady - Jiger Ázbergenov
ASTANA. QazAqparat - Sporttyq jekpe-jek jáne kúsh qoldanylatyn sport túrleri konfederatsııasy jergilikti ákimdiktermen birlese sport keshenderiniń qurylysyna mán berip otyr. Bul týraly búgin Ortalyq kommýnıkatsııalar qyzmetindegi brıfıngte atalǵan konfederatsııanyń Qoǵammen jáne BAQ-pen baılanys qyzmetiniń úılestirýshisi Jiger Ázbergenov aıtty.
«Jalpy, bizdiń Ulttyq qurama komandalardyń negizgi rezervi elimizdiń aımaqtarda shoǵyrlanǵan. Sondyqtan da eń basty mindet - aımaqtardy retke keltirý. Sol maqsatta bizdiń konfederatsııa men jergilikti oblystyq ákimdikter arasynda memorandým jasaldy. Memorandýmǵa sáıkes, biz Shyǵys Qazaqstan oblysy boıynsha Semeı qalasynda, Ońtústik Qazaqstan oblysy boıynsha Túrkistan qalasynda arnaıy ámbebap dene shynyqtyrý boıynsha saýyqtyrý keshenderin salǵan bolatynbyz. Qazirgi tańda jergilikti ákimdikpen birlesip, dál osyndaı keshen Qyzylorda oblysynda salynyp jatyr», - dedi ol
Onyń sózine qaraǵanda, Petropavl qalasyndaǵy mektep-ınternat kúrdeli jóndeýden ótkizildi. ıAǵnı, oblystaǵy mektep-ınternattyń boks, kúres, aýyr atletıka zaldary jóndeý jumystarymen qatar, tıisti qural-jabdyqtarmen qamtamasyz etildi.
Konferederatsııa jumysy segiz baǵyt boıynsha júzege asyrylyp otyrǵandyǵyna toqtalǵan J.Ázbergenov, «2014-2016 jyldary bizdiń konfederatsııaǵa kiretin sport túrlerin damytý jónindegi arnaıy baǵdarlama ázirledik jáne ol baǵdarlama QR Mádenıet jáne sport mınıstrligi tarapynan bekitildi. Qazir sol baǵdarlamany júzege asyrý sharalary atqarylýda», - dedi. Atap aıtqanda aldaǵy eki jylda Ulttyq qurama komandalardyń jaǵdaıyn jasaýǵa, sondaı-aq olardyń oqý-jattyǵý úderisin jetildirýge negizdelgen jumystar iske asyrylady.
