Aldaǵy eki jylda Qashaǵan ken ornynan jylyna 13 mıllıon tonna munaı óndiriletin bolady

ASTANA. 14 qańtar. QazAqparat - Teńiz, Qashaǵan jáne Qarashyǵanaq ken oryndarynda óndirilip jatqan munaı shıkizaty men gaz kondensatynyń kólemi 21,1 mıllıon tonnadan 35,4 mıllıon tonnaǵa deıin jetkiziledi. Bul týraly «QazMunaıGaz» UK» saıtynda habarlanǵan.

Máselen, «QazMunaıGaz» UK» AQ-nyń basqarma tóraǵasy Lázzat Qıynovtyń aıtýynsha, aldaǵy eki jylda Qashaǵan ken ornynan jylyna 13 mıllıon tonna munaı óndiriletin bolady. Al Teńiz, Qashaǵan jáne Qarashyǵanaq ken oryndarynda óndirilip jatqan munaı shıkizaty men gaz kondensatynyń kólemi 21,1 mıllıon tonnadan 35,4 mıllıon tonnaǵa deıin jetkiziledi. El munaıshylary bul kórsetkishti odan arǵy jyldary taǵy 51 mıllıon tonnaǵa jetkizýdi kózdep otyr. Sonymen qatar, qurlyq pen teńizde geologııalyq barlaý jumystary kúsheıtiledi. Munaı jáne gaz tasymaldaýdyń ıkemdi tásili tańdalady. Osylaısha, startegııalyq mańyzy zor salada birqatar aýqymdy sharalar qolǵa alynǵaly otyr.