Aldaǵy eki jylda HQKO-larda 700 memlekettik qyzmet usynylady

ASTANA. QazAqparat - Aldaǵy eki jylda HQKO-larda barlyq 700 memlekettik qyzmetter usynylady. Bul týraly búgin Astanada QR Investıtsııalar jáne damý mınıstri Áset Isekeshev málim etti.

«Prezıdent «Azamattarǵa arnalǵan Úkimetti» qurýdy jarııalady. Qazirgi kezde ony qurý boıynsha jumystar júrip jatyr»,-dep toqtaldy ol.
Sonymen qatar Á. Isekeshev búginde Halyqqa qyzmet kórsetý ortalyqtarynda kóp qyzmetterdi alýǵa bolatynyn aıta kele, «bıyl birneshe qurylymdardy biriktiremiz, osy oraıda elimizdiń azamattarymyz Halyqqa qyzmet kórsetý ortalyqtarynda 530 qyzmetti alatyn bolady. Biz eki jyldyń aıasynda, ary ketse úsh jylda barlyq 700 memlekettik qyzmetti HQKO-larda júzege asyrýdy josparlap otyrmyz»,-dedi.
Munymen qosa ol qazirgi kezde mobıldik qymetter boıynsha jumystar jalǵasyp jatqandyǵyn jetkizdi.
«100 naqty qadam» Ult jospary aıasynda aqparatqa qoljetimdilik boıynsha jumystar júrip jatyr. Bıyl 4 mańyzdy portal quralatyn. Onyń negizgi maqsaty - barlyq mınıstrlikter saıttarda baǵdarlamalar, bıýdjetter, satyp alýlar týraly barsha aqparatty halyq úshin qoljetimdi etýge mindetti»,-dedi Á. Isekeshev.