Aldaǵy eki jylda elorda aýmaǵynda 40 mektep salynady – Jeńis Qasymbek

ASTANA. QazAqparat – Astanada eki jylda 40 mektep salý josparlanyp otyr. Muny Ortalyq kommýnıkatsııalar qyzmetinde ótken brıfıngide elorda ákimi Jeńis Qasymbek aıtty, dep habarlaıdy QazAqparat tilshisi.

«Aldaǵy 2 jylda 40 mektep salý josparlanyp otyr. Qazirgi ýaqytta 14 mekteptiń qurylysy júrip jatyr, 11 mektep jańa oqý jyly ishinde paıdalanýǵa beriledi. Sonymen qatar Memleket basshysynyń tapsyrmasy boıynsha «Jaıly mektep» ulttyq jobasy aıasynda taǵy 24 mektep salynady. Jyl saıyn qalada ishki kóshi-qon men bala týý esebinen halyq sany artyp keledi. Máselen, eger mektepti orta eseppen 8-10 myń túlek bitirse, jańa oqý jylynda 24-25 myń bala mektep tabaldyryǵyn attaıdy. Oqýshy oryndarymen qamtý úshin mektepter salý boıynsha júıeli jumys júrgizemiz», - dedi elorda ákimi.

Jeńis Qasymbek mektepter Astananyń barlyq aýdandarynda, onyń ishinde jaqyn mańaıda ornalasqan eldi mekenderde de salynyp jatqanyn aıtty.