Aldaǵy eki táýlikte jaýyn-shashyn bolmaıdy - Qazgıdromet
ASTANA. QazAqparat - Aldaǵy eki táýlikte respýblıkanyń kóptegen aýmaǵynda jaýyn-shashynsyz aýa-raıy saqtalady, dep habarlaıdy QazAqparat Qazgıdrometke silteme jasap.
«Qazaqstanǵa qaraı aýǵan antıtsıklon aldaǵy eki táýlikte respýblıkanyń kóptegen oblystarynda jaýyn-shashynsyz aýa-raıy bolady. Batys jáne soltústik-batys oblystarda kezekti atmosferalyq aǵyndar aýysyp keledi, solardyń áserinen, jańbyr, naızaǵaı, keı jerlerde burshaq jáne kúshti ekpindi jeldiń kúshi 15-25m/s bolady dep boljanýda. Aýa temperatýrasy az ýaqytqa joǵarylaıdy. Aǵynnyń ótýimen qaıtadan temperatýranyń tómendeýi kútilýde» ,- dep boljam jasaıdy sınoptıkter.
