Aldaǵy eki táýlik ishinde elimizdiń 4 oblysynda kún sýytyp, jel kúsheıedi - QR ІІM TJK
ASTANA. QazAqparat - Aldaǵy eki táýlik ishinde elimizdiń 4 oblysynda kún sýytyp, jel kúsheıedi. Bul týraly QR ІІM TJK baspasóz qyzmeti habarlady.
28 qyrkúıek kúni kúndiz jáne 29 qyrkúıek kúni táýlik boıy Ońtústik Qazaqstan oblysynyń keı jerlerinde shyǵystan soǵatyn jeldiń kúshi 15-20, keıde 23-28 m/s-ǵa deıin jetedi, 28-29 qyrkúıekte túnde keı jerlerde aýa temperatýrasy -1-3 °C-ǵa deıin tómendeıdi.
28 qyrkúıek kúni kúndiz jáne 29 qyrkúıek kúni Jambyl, Almaty oblystarynyń keı jerlerinde jańbyr jaýady, al taýly aımaqtarynda qar aralas jańbyr jaýady. Keı jerlerinde soltústik-shyǵystan soǵatyn jeldiń jyldamdyǵy 15-20, keıde ekpini 23-28 m/s-ǵa deıin jetýi múmkin. 28 qyrkúıek kúni kúndiz burshaq jaýýy múmkin, 28-29 qyrkúıek kúni túnde keı jerlerde aýa temperatýrasy -1-3 °C-ǵa deıin tómendeıdi.
28 qyrkúıek kúni kúndiz jáne 29 qyrkúıek kúni Qyzylorda oblysynyń keı jerlerinde shyǵystan soǵatyn jeldiń jyldamdyǵy 15-20, keıde 25 m/s-ǵa deıin jetýi múmkin. 28-29 qyrkúıekte túnde oblystyń soltústik aýdandarynda aýa temperatýrasy -1-3 °C-ǵa deıin tómendeıdi.
