Aldaǵy eki kúnde elordada qatty kóktaıǵaq bolady
NUR-SULTAN. QazAqparat – Elordada aldaǵy 2 kúnge kóktaıǵaq týraly eskertý jarııalandy, dep habarlaıdy QazAqparat Tótenshe jaǵdaılar departamentine silteme jasap.
«Nur-Sultan qalasynyń Tótenshe jaǵdaılar departamenti «Qazgıdromet» RMK derekterine sáıkes, 5, 6 jáne 7 aqpan kúnderi kóktaıǵaq bolatynyn habarlaıdy. Ońtústik-batystan soǵatyn jeldiń ekpini kúndiz 15-20 m/s deıin jetedi», - delingen qalalyq TJD baspasóz qyzmetiniń habarlamasynda.
Deparatment astana turǵyndary men qonaqtaryna saq bolýǵa, aýa-raıynyń ózgerýi men shekteýler týraly aqparatty baqylaýǵa, qatty jel bolǵanda jaqyn mańdaǵy ǵımaratty panalaýǵa keńes beredi.
Sonymen birge, qurylys nysandaryna halyqty jáne aýmaqty qolaısyz aýa-raıynan qorǵaý boıynsha qaýipsizdik sharalaryn qabyldaýdy, qurylys-montaj jumystaryn shekteý usynylady.
Tótenshe jaǵdaı týyndaǵanda «112» nómirine habarlasý qajet.
