Aldaǵy dúısenbide Qasıetti Ramazan aıy bastalady
ASTANA. 30 shilde. QazAqparat - Aldaǵy dúısenbi, 1 tamyz kúni - Qasıetti Ramazan aıy jáne musylmandardyń bes paryzynyń biri - Oraza bastalady (2011 jylǵy tamyzdyń 1-i - 1432 hıjra jylynyń 1-shi ramazany).
Ramazan - musylman kúntizbesiniń toǵyzynshy aıy. Bul aıda musylman qaýymy oraza tutady, ony parsy tilinde «Rýze», túrik tilinde - «ýraza», al qazaq tilinde «oraza» dep ataıdy. Oraza tutýdy 624 jyly Muhammed paıǵambar belgilep ketken. «Oraza» degen sózdiń maǵynasy «alystaý» degen uǵymdy bildiredi. Sharıat boıynsha oraza tutý degenimiz, tań sáriden kún batqansha deıin tamaq pen sýdan, basqa da tán lázzatynan erkin túrde bastartý. Oraza - musylmanǵa berilgen bes paryzdyń úshinshisi. Oraza tutý Qasıetti Quran Kárimniń aıattarynda jazylǵan.
Musylmandar osy aıda oraza tutady, turyp namaz oqıdy, Quran oqýlaryna qatysady, zeket pen sadaqqa beredi. Sonymen olar ózderiniń júrekterine ımandylyq uıalatyp, rýhanı tazalanady, óıtkeni dál osy aıda adamdarǵa Qasıetti Quran Kárimniń birinshi aıattary jiberilgen bolatyn.
Qasıetti Ramazan aıy múbarak bolsyn, musylman qaýym!
