Aldaǵy demalystarda soltústikte kún sýytyp, ońtústikte jylynady

ASTANA. QazAqparat – Qazgıdromet demalys kúnderdegi aýa raıy boljamyn jarııalady, dep habarlaıdy QazAqparat.

Demalys kúnderi respýblıkanyń basym bóligi atmosferalyq frontaldy bólimderdiń yqpalynda bolady. Eldiń batysynda, soltústiginde jáne shyǵysynda qar, al ońtústik aımaqtarda jaýyn-shashyn jaýady. Ońtústik, taýly jáne taý bókterindegi aýdandarda qatty jaýyn-shashyn (jańbyr, qar), tuman jáne kóktaıǵaq kútiledi.

Jeldiń soǵýy kúsheıedi. Eldiń batysynda túnde aýa temperatýrasy 7-18, kúndiz 3-8 aıazǵa deıin azdap tómendeýi boljanýda. Eldiń soltústik jartysynda, ortalyǵynda jáne shyǵysynda temperatýra túnde 15-26 gradýs, kúndiz 5-13 gradýs aıaz bolady.

Ońtústik aımaqtarda túngi ýaqytta aýa temperatýrasy plıýs mánge jetedi, kúndiz 2-10° S jyly bolady.