Aldaǵy demalystarda kún ysıdy
ASTANA. QazAqparat - Demalys kúnderi elimizdiń basym bóligi jylynady, dep habarlaıdy Qazgıdromet.
Aýa raıynyń kúrt aýytqýy - mamyr aıynyń ereksheligi bolyp tabylady. Osy jyly sol úrdis saqtaldy. Soltústik jáne ortalyq oblystarda túngi úsikter jaqyn táýlikterde ońtaıly temperatýraǵa aýysyp, dúısenbide túngi aýa temperatýrasy +7...15°S bolady dep kútilýde.
Aldaǵy úsh táýlikte shyǵys oblystarda antıtsıklonnyń áserinen munda jańbyrsyz, biraq keı jerlerde aýa temperatýrasy 1...3º deıin tómendeıdi.
Eýropalyq Reseıdiń ońtústik aýmaǵynan jyljyǵan tsıklondar Qazaqstanǵa aýysyp, olar shyǵysqa qaraı jyljı otyryp, jańbyr shaqyryp, keı jerlerde naızaǵaı oınaıdy, ekpindi jel aldymen respýblıkamyzdyń batysynda, sodan keıin soltústigi men ortalyǵynda, ońtústiginde bolady dep boljanýda.
Ońtústik-batys troposferlyq aǵyndardyń áserinen aýa temperatýrasy joǵarlaıdy dep kútilýde.
Elimizdiń bas qalasynda 20 mamyr kúni jaýyn-shashynsyz aýa raıy qalyptasyp, aýa temperatýrasy túnde +6+8°S, al kúndizgi ýaqytta +20+22°S deıin kóteriledi. Al 21 mamyr kúni jyly aýa raıy saqtalyp kúndiz +24+26°S deıin jylynady dep boljaıdy Qazgıdromet mamandary.
