Aldaǵy demalystarda Astanadaǵy aýyl sharýashylyq jármeńkesine Qaraǵandy oblysy óz ónimderin ákeledi
ASTANA. 27 qyrkúıek. QazAqparat - Erteń Astananyń ortalyq alańynda qalalyq ákimdiktiń aldynda jyl saıynǵy aýyl sharýashylyq jármeńkesi ótedi, onda Qaraǵandy oblysynyń ónimderi satylady. Bul týraly astana.kz saıtyna qalalyq Kásipkerlik jáne ónerkásip basqarmasynan habarlady.
Qaraǵandy oblysynan 150 mıllıon teńgeniń 839 tonna aýyl sharýashylyq ónimi ákelinedi. Jármeńkede atalǵan aımaqta shyǵarylǵan ónimder satylady. Atap aıtqanda, et (65,5 tonnaǵa jýyq), balyq (9 tonnaǵa jýyq), sút ónimderi (17,5 tonnaǵa jýyq), jumyrtqa (500 myń dana), kartop (450 tonnaǵa jýyq), kókónis (250 tonnaǵa jýyq), shujyq ónimderi (8 tonnaǵa jýyq) jáne basqa da ónimder (39 tonnaǵa jýyq).
Budan basqa, baǵalar naryqtyq baǵadan 10-20% jáne bólshek satýda 10-65% tómen bolady. Jármeńke kezinde 83 saýda orny ashylyp, merekelik baǵdarlama uıymdastyrylady. Elorda turǵyndary men qonaqtary úshin ulttyq aspazdyq pen tátti-dámdiler usynylady, etno-aýyl qurylady.
Eske salaıyq, Qazaqstannyń óńirlerinen ákelingen ónimder satylatyn osyndaı jármeńkelerdi jyl saıyn ótkizý dástúrge aınalǵan. Ónimder Astana bazarlarynda qalyptasqan ortasha baǵadan tómen baǵamen satylady. Jármeńkede azyq-túlik ónimderinen basqa halyqtyq kásip pen qolóner buıymdary usynylady.
