Aldaǵy demalysta jaımashýaq aýa raıy saqtalady
ASTANA. QazAqparat - Demalys kúnderi jáne qyrkúıektiń sońǵy kúnderi Qazaqstannyń basym bóliginde jaýyn-shashynsyz jáne bul maýsymǵa qalypty temperatýradan 2...5° S joǵary aýa raıy kútiledi, dep habarlaıdy QazAqparat «Qazgıdromet» RMK-ǵa silteme jasap.
Mundaı qolaıly aýa raıy antıtsıklonnyń jáne ońtústik-batys troposferalyq aǵyndardyń yqpalymen ornaıdy. Respýblıkanyń tek shettegi soltústik jáne batys aýdandary atmosferalyq fronttardyń yqpal etý aımaǵynda bolady. Saldarynan keı jerlerde jańbyr jaýyp, jel kúsheıedi, alaıda aýa temperatýrasy klımattyq normadan joǵary kúıinshe saqtalady.
