Aldaǵy demalysta kún sýytady
ASTANA. QazAqparat - «Qazgıdromet» aldaǵy demalys kúnderi 23-25 qyrkúıekke aýa raıy boljamyn jasady, dep habarlaıdy QazAqparat.
Sınoptıkterdiń boljaýynsha salqyn aýa raıy kútiledi.
«Qazaqstanǵa Karsk teńizi aýmaǵynan sýyq jáne ylǵaldy aýa massalary keledi, sol sebepten demalys kúnderi kún sýytady jáne jańbyr kútiledi, soltústik, ortalyq jáne shyǵys aýdandarda jańbyrdyń sońy qarǵa aýysýy yqtımal», - delingen habarlamada.
Ońtústik shyǵysta jeksenbi jáne dúısenbi kúnderi jańbyr, taýly aımaqtarda sýly qar jáne aýa temperatýrasy tómendep, úsik júrýi m.mkin dep boljanady.
«Batys oblystarda da aýa raıynyń aýysýy kútiledi, demalys kúnderi jańbyr jaýady jáne aýa temperatýrasy tómendeıdi. Eger de eń joǵary aýa temperatýrasy +30+36 bolsa, senbi kúni +15+20, ońtústik batysta +23+28, ıaǵnı ortasha kópjyldyq mánderge jaqyn», - delingen habarlamada.
Sondaı-aq, elimizdiń ózge aýmaqtarynda aýa temperatýrasy klımattyq mólsherden 2-6 gradýsqa tómen bolýy yqtımal.
