Aldaǵy demalysta Qazaqstanda kún jylynady
NUR-SULTAN. QazAqparat - Qazaqstan boıynsha 13-15 aqpanǵa arnalǵan aýa raıy boljamy jarııalandy, dep habarlaıdy QazAqparat «Qazgıdrometke» silteme jasap.
Máskeý aýdandarynan keletin tsıklon respýblıkanyń batys jáne soltústik aımaqtaryna aýysyp jatyr.
Osyǵan baılanysty atalǵan óńirlerde jańbyr men qar jaýady. Aýa temperatýrasy joǵarylaıdy.
Sondaı-aq jaıaý burqasyn soǵyp, jel kúsheıedi.
El aýmaǵynyń qalǵan bóligi joǵary qysym aıasynda bolady. Sonyń saldarynan jaýyn- shashyn jaýmaıdy.
Respýblıka boıynsha keı jerlerde tuman túsip, kóktaıǵaq bolady.
