Aldaǵy demalys kúnderiniń aýa raıy belgili boldy
NUR-SULTAN. QazAqparat – Sınoptıkterl 23-25 qarashaǵa arnalǵan aýa raıy boljamyn jarııa etti, dep habarlaıdy QazAqparat Qazgıdrometke silteme jasap.
«21-22 qarasha qystyń basy bolyp sanalady. Biraq bıyl elimizdiń soltústik, ortalyq jáne shyǵys aımaqtaryna erte sýytyp, qatty aıaz bastalyp, ol ońtústik oblystarǵa da tarady», delingen habarlamada.
Sınoptıkterdiń málimetinshe, Qazaqstanǵa aldaǵy demalys kúnderi soltústik teńizderden sýyq jáne dymqyl aýa massasy keledi. Sondyqtan respýblıkanyń basym bóliginde aýa raıy bultty bolady, keı jerlerde qar jaýy, burqasyn soǵady, soltústik-shyǵystan ekpindi jel kútiledi, aıaz báseńdeı bastaǵanymen aýa temperatýrasy ortasha kópjyldyq mánnen tómen saqtalady.
