Aldaǵy demalys kúnderi Qyzylorda oblysynyń taýar óndirýshileri elorda turǵyndaryna óz ónimderin usynady
ASTANA. QazAqparat - Astanada Qazaqstan óńirleri taýar óndirýshileriniń aýyl sharýashylyq ónimderiniń apta saıynǵy jármeńkeleri bastalady. Aldaǵy demalysta (3-4 qyrkúıekte) Jármeńke B. Momyshuly dańǵylyndaǵy Oqýshylar saraıynyń turaǵynda ótedi. Bul týraly elorda ákiminiń resmı saıty habarlady.
Jármeńkege kelýshilerge 400 tonnaǵa jýyq 50-den astam ónim túri usynylady. Atap aıtqanda, balyq, kókónister, jemister, sút ónimderi, kondıterlik jáne shujyq ónimderi jáne t.b. Jármeńkedegi baǵalar bazardaǵydan 15-20 % tómen bolady.
Qyzylorda oblysynan keıin jármeńkeler estafetasyn Almaty oblysy jalǵastyrady. Saýda-sattyq demalys kúnderi B. Momyshuly dańǵylyndaǵy Oqýshylar saraıynyń turaǵynda (Qyzylorda oblysy 3-4 qyrkúıek, Almaty oblysy 10-11 qyrkúıek, BQO 17- 18 qyrkúıek, Jambyl oblysy 24- 25 qyrkúıek, Aqtóbe oblysy 1-2 qazan, Qaraǵandy oblysy 8-9 qazan, Qostanaı oblysy 15-16 qazan jáne Soltústik Qazaqstan oblysy 22-23 qazan), sondaı-aq, «Han Shatyr» SOO turaq aýmaǵynda (Atyraý oblysy 17-18 qyrkúıek, Pavlodar oblysy 24-25 qyrkúıek, Mańǵystaý oblysy 1-2 qazan, ShQO 8- 9 qazan, OQO 15- 16 qazan, Aqmola oblysy 29-30 qazan) qazan aıynyń sońyna deıin ótkiziledi.
