Aldaǵy demalys kúnderi Qazaqstannyń soltústigin tsıklon basady - sınoptıkter
ASTANA. 23 qarasha. QazAqparat - Aldaǵy demalys kúnderi, 2012 jylǵy 24-25 qarashada Jańa Jer aýdandarynan kelgen belsendi tsıklon Qazaqstannyń soltústik bóligindegi aýa raıyna yqpalyn saqtap qalady, dep habarlaıdy Qazgıdromettiń baspasóz qyzmetinen.
Sondyqtan munda qar jaýyp, burqasyn bolady, jel ekpini 17-22 m/s deıin jetedi, joldarda kóktaıǵaq paıda bolady.
Qostanaı, Soltústik Qazaqstan, Aqmola jáne Pavlodar oblystarynyń jekelegen aýdandarynda jeksenbi, 25 qarasha kúni qalyń qar túsýi yqtımal. Ońtústikte kún raıy jyly bolyp, aıtarlyqtaı jaýyn-shashyn kútilmeıdi.
Alaıda kelesi aptanyń basynda Qazaqstannyń basym bóligi antıtsıklon yqpalynda bolyp, temperatýranyń tómendeýi kútiledi.
