Aldaǵy demalys kúnderi el óńirlerinde aýa temperatýrasy kóteriledi
ASTANA. QazAqparat - Sýyq atmosferalyq front shyǵysta Almaty oblysynyń taýly aımaqtarynda qatty jańbyr jáne aýa temperatýrasynyń 7-12º deıin tómendeýine ákeldi, dep habarlaıdy «Qazgıdromet» RMK.
Qazaqstanǵa jyljyǵan antıtsıklon sýyq atmosferalyq frontty Batys Sibirdiń ońtústigine qaraı tez yǵystyryp jiberdi. Biraq onyń respýblıka aýa raıyna áseri uzaqqa barmaıdy.
Aldaǵy demalys kúnderi batys jáne soltústik oblystarǵa sýyq atmosfera jyljyp kelip, osy aýdandarǵa naızaǵaıly jańbyr, lepti jel ákeledi.
Basqa aýmaqtar osy demalys kúnderi joǵary atmosferalyq qysym áserinde bolyp, joǵary temperatýra men kóbinese ashyq aýa raıy aıasynda bolady.
