Aldaǵy demalys kúnderi Aqtóbe jáne Qaraǵandy oblystary elordada jármeńke ótkizedi

ASTANA. QazAqparat - Aldymyzdaǵy demalys kúnderi Astanada ótetin dástúrli aýyl sharýashylyq jármeńkelerde óz ónimderin Aqtóbe jáne Qaraǵandy oblystarynyń agrarshylary usynady, dep habarlady «QazAgro» ulttyq holdınginiń baspasóz qyzmeti.

Aqtóbelik aýyl sharýashylyq taýar óndirýshileri túrli azyq-túlik taýarlarynyń ishinde 900 tonnaǵa jýyq sút ónimderin, 30 tonna et, 20 tonna kókónis ónimderin ákeledi. Jármeńkede aımaqtan kelgen 52 sharýashylyq qatysady, sonyń jartysynan joǵary iri jáne shaǵyn agrobıznes sharýashylyqtary «QazAgro» holdınginiń qarjylyq qoldaýynyń arqasynda qurylǵan.

Aqtóbe oblysy AÓK sýbektilerin qarjylandyrý kólemi «QazAgro» Ulttyq holdıngi tarapynan 2013 jyly 6 mlrd.teńgeden astam somany qurady. Aǵymdaǵy jyldyń basynan oblystyń agrobıznesin qoldaýǵa holdıng 3,1 mlrd.teńge baǵyttady.

«QazAgro» holdınginiń Aqtóbe oblysy boıynsha ınvestıtsııalyq qorjynynda 17,5 mlrd.t eńge somasyna 20 joba bar. Bular iri sút-taýarly fermalar, zamanaýı jylyjaı keshenderi, asyl tuqymdy mal sharýashylyqtary, qaıta óńdeý kásiporyndary jáne t.b. sııaqty aýyldaǵy óndiristik mańyzdylyǵy bar nysandar. Búgingi kúni 14 ınvestıtsııalyq jobalar óndiriske qosyldy, olardyń jalpy quny 13,6 mlrd.teńgeni quraıdy. Osyǵan oraı 636 mamandar jumyspen qamtyldy.

Oblystyń aýyl sharýashylyq taýar óndirýshilerine «QazAgro» Ulttyq holdınginiń qarjylyq operatorlarymen 824,05 mln. teńge somasyna 412 shaǵyn nesıeler, onyń ishinde «Jumyspen qamtý-2020» baǵdarlamasy boıynsha - 539,2 mln. teńge somasyna 320 shaǵyn nesıeler berildi. «QazAgro» Ulttyq holdınginiń enshiles kompanııasy - «QazAgroQarjy» AQ arqyly Aqtóbe oblysy boıynsha 2013 jyly 45,2 mlrd. teńgege 135 birlik aýyl sharýashylyq jáne arnaıy tehnıkany ıelenýge kelisim-sharttar jasaldy.

Qaraǵandy oblysynyń agroóndiristik keshenin damytýǵa «QazAgro» ulttyq holdıngi 2014 jyldyń basynan 8,3 mlrd. teńge baǵyttady. Qaraǵandy oblysy boıynsha holdıngtiń ınvestıtsııalyq qorjynynda 20,6 mlrd. teńge somasyna 24 ınvestıtsııalyq joba bar. Onyń búgingi kúni 10,1 mlrd. teńge somasyna 16 jobasy paıdalanýǵa berildi. Barlyq jobalardy iske asyrýmen 1020 jumys oryndarynyń qurylýy josparlanýda. «QazAgroQarjy» jelisi arqyly oblysta 1,6 mlrd. teńge somasyna 218 túrli aýyl sharýashylyq tehnıkasyn ıelenýge kelisim-sharttar jasaldy.