Aldaǵy bes jylda ońtústikten soltústik oblystaryna 22 myńnan astam otbasyny kóshirý josparlanǵan
ShYMKENT. QazAqparat - «Turǵyn úı qurylys jınaq banki» ońtústikten soltústikke kóshetinder úshin jeńildikter jasaýda. Atalǵan bank qonys aýdaratyndarǵa úı qunynyń elý paıyzyn jınamaı-aq, baspana beretin boldy. Bul týraly oblystyq jumyspen qamtýdy úılestirý jáne áleýmettik baǵdarlamalar basqarmasynyń mamandary málimdep otyr, dep habarlaıdy QazAqparat tilshisi.
Sala mamandarynyń sózinshe, otbasymen birge soltústikke kóshýdi josparlaǵandar úshin memleketten qomaqty járdemaqy da beriledi. Statıstıkaǵa súıensek, sońǵy úsh jylda óńir halqy 272 myń adamǵa artqan. Maqtaral, Saryaǵash aýdandaryndaǵy bul kórsetkish 100 myń adamnan asady. Osy statıstıkany tómendetý úshin aldaǵy bes jylda óńirimizden 22 myńnan astam otbasyn soltústik oblystarǵa qonystandyrý josparlanyp otyr eken. Jalpy, bul baǵdarlama qolǵa alynǵaly beri ońtústik óńirlerden soltústikke 58 myń 904 otbasy qonys aýdarsa, sonyń 40 paıyzy ońtústiktiń turǵyndary eken. ıAǵnı, jobany júzege asyrýda bizdegi belsendilik joǵary. Osy kórsetkishti tómendetpeý úshin basqarma qajetti sharalardy qolǵa alǵan.
Soltústikte qandaı jumys oryndary baryn jáne onda barǵanda qandaı jeńildikterdiń beriletinin barlyq aýdan-qaladaǵy jumyspen qamtý ortalyqtary jurtshylyqqa habarlap otyr. Al, qonys aýdaryp, jeńildikke qol jetkizýge barlyq azamattyń múmkindigi bar deıdi mamandar.
