Aldaǵy bes jylda mıllıondaǵan aýyl turǵyndary qalalarǵa kóshirilmek
ASTANA. QazAqparat - Qytaıda aldaǵy bes jyl ishinde 100 mln.-ǵa jýyq aýyl turǵyndaryn qalalarǵa kóshirý týraly jospar jarııa etildi.
Bı-bı-sı habarlaǵandaı, bul qytaı azamattarynyń turǵylyqty jeri boıynsha tirkelý júıesin reformalaý kezeńderiniń biri bolmaq.
Aıta keteıik, atalmysh elde tirkeýge otyrý tártibiniń qatańdatylýyna oraı qazirgi kezde aýyldyq jerlerden qalalarǵa kóship kelgen ondaǵan mıllıon jandar úshin birqatar áleýmettik salalar qoljetimsiz bolyp qalyp otyr.
Qytaı bıligi qalalyqtar sanynyń artýy ekonomıkanyń ósý qarqynyn arttyrady dep úmittenýde.
