Aldaǵy bes jylda Qazaqstanda 20 iri klınıka salynady - Memleket basshysy
«Aldaǵy 5 jylda memlekettik densaýlyq saqtaý mekemelerin medıtsınalyq tehnıkamen 100 paıyz qamtamasyz etýimiz kerek. Sonymen qatar jańa aýrýhanalar salý qajet. Jumyspen qamtýdyń jol kartasy aıasynda bıyldyń ózinde 24 jańa densaýlyq saqtaý nysany paıdalanýǵa beriledi. 2025 jylǵa qaraı memlekettik baǵdarlama boıynsha 20 iri klınıka salynady», - dedi Qazaqstan Prezıdenti.
Memleket basshysynyń aıtýynsha, atalǵan klınıkalardyń qurylysy memlekettik-jekeshelik seriktestik negizinde júzege asyrylady.
«Úkimet pen ákimder bul tapsyrmany múltiksiz oryndaý tıis. Búkil álemde pandemııa qaıta órship ketýi de múmkin. Sol úshin juqpaly aýrýlardy emdeıtin klınıkalardyń barlyǵyn halyqaralyq standarttarǵa sáıkestendirýimiz kerek «, - dedi Qasym-Jomart Toqaev.
