Aldaǵy bes jylda Atyraý oblysynda sý tapshylyǵy 45 paıyzǵa jetedi

NUR-SULTAN. QazAqparat – Aldaǵy 5 jylda Atyraý oblysynda sý tutyný kólemi 45 paıyz artady. Bul jaıynda oblys ákimi Serik Shápkenov Májiliste ótip jatqan Parlamenttik tyńdaýda aıtty, dep habarlaıdy QazAqparat tilshisi.

«Atyraý qalasy men Maqat aýdanyn sý men qamtamasyz etetin tazartqysh jabdyqtar ótken ǵasyrdyń 30-60 jyldary qoldanysqa berilgen. Qazir olar apattyq jaǵdaıda. Aldaǵy 5 jylda óńirdegi sý tapshylyǵy 45 paıyzǵa ósedi dep boljanyp otyr», - dedi ákim.

Aıtýynsha, osyǵan baılanysty jańa eki súzgi stansa iske qosý josparlanǵan.

«Astrahan-Mańǵyshlaq sý qubyrynyń eki kezeńge josparlanǵan jańǵyrtý jumystaryn keıinge shegermeı, tezdetip sheshý qajet. Qoldaýlaryńyzdy suraımyz», - dedi aımaq basshysy.

Májilis tóraǵasy Erlan Qoshanovtyń málimeti boıynsha, 2040 jylǵa qaraı Qazaqstanda sý tutyný 46 paıyzǵa artady.