Aldaǵy bes jylda Astanada sý tarıfteri qymbattamaıdy
ASTANA. QazAqparat - Aldaǵy bes jylda elordada sýmen jabdyqtaý jáne sý burý tarıfteri qymbattamaıdy. Bul týraly búgin «Astana Sý Arnasy» QMK nysandaryna press-týr kezinde QR UEM Tabıǵı monopolııalardy retteý jáne básekelestikti qorǵaý komıtetiniń Astana qalasy boıynsha departamentiniń ókilderi málim etti, dep habarlaıdy QazAqparat astana.gov.kz saıtyna silteme jasap.
«Astana Sý Arnasy» AQ úshin tarıfter 2016 jyldyń 1 qańtarynda bekitildi. 2017 jyldyń 1 mamyrynan bastap paıdalanylǵan sý tarıfi 86,87 teńgeni, jáne sýmen jabdyqtaý qyzmetterine 94,25 teńgeni quraıdy. Aldaǵy bes jylda bul tarıf bekitilgen baǵalar deńgeıinde saqtalýǵa tıis», - dep atap kórsetti monopolııalardy jáne baǵalardy retteý bóliminiń basshysy Nurlan Aıtbaev.
2016 jyldyń 1 mamyrynan bastap elorda turǵyndaryna qyzmetterge tafrıterdi tómendetý arqyly ótemaqy tólenedi. Tabıǵı monopolııalardy retteý agenttigi departamenti ókilderiniń aıtýynsha, jalpy somasy 205 mln teńge bolatyn ótemaqy tarıfteri 2015 jylǵa josparlanǵan ınvestıtsııalyq baǵdarlamada qarastyrylǵan sharalardyń oryndalmaǵany úshin qarastyrylǵan.
2016 jyldyń 9 aıynda «Astana Sý Arnasy» QMK ınvestıtsııalyq sharalardy oryndaý kólemi 837 mln. teńgeni qurady. Qarjy stantsııalarda eseptegish quraldary bar avtomattandyrylǵan jylý toraptaryn ornatýǵa, tozyǵy jetken sorǵy jabdyqtaryn aýystyrýǵa, 2,8 km káriz jelilerin qaıta jóndeýge jáne taǵy da basqa jumystarǵa baǵyttalǵan.
Mamandardyń aıtýynsha, ústimizdegi jyldyń sońyna deıin 413 mln teńge somanyń keshendi sharalaryn iske asyrý kózdelgen, sonyń ishinde, sýdy kommertsııalyq esepteýdiń avtomattandyrylǵan júıesin engizýdiń birinshi kezeńi, jáne 2017-2020 jj. sýmen jabdyqtaý jáne sý burý jelilerin qaıta jóndeý úshin JІJ ázirleý jáne túzetý josparlanǵan.
