Aldaǵy bes jylda 673 myń qazaqstandyq jumysshy biliktiligin alady
ALMATY. QazAqparat - Búgin Almatyda Týrızm jáne qonaqjaılylyq ındýstrııasy kolledjinde QR Bilim jáne ǵylym mınıstrligi ókilderiniń qatysýymen press-týr ótti. Onyń barysynda QR BǴM Tehnıkalyq jáne kásiptik bilim berý departamentiniń dırektory Nasymjan Ospanova «Barshaǵa arnalǵan tegin kásiptik-tehnıkalyq bilim berý» jobasyn iske asyrý jaıly aıtyp berdi.
«Bıyldan bastap baǵdarlamanyń modýldi tehnologııasyna kóshemiz. Modýldik bilim alýshylarǵa oqý traektorııasyn ózi jasaýyna septigin tıgizedi. Bıyl QR Bilim berý týraly zańyna «oqýǵa nıet bildirgen adamdar oqý ýaqytyn ózgerte alsyn» degen tolyqtyrý engizip jatyrmyz. Bilim alamyn degen adam jergilikti atqarý organdaryna tirkelip, úsh jumysshy biliktiligin ala alady. Baǵdarlama eki baǵytta júzege asady: «Barshaǵa arnalǵan tegin kásiptik bilimdi engizýdiń jol kartasy» men nátıjeli jumyspen qamtý jáne jappaı kásipkerlikti damytý baǵdarlamasy sheńberinde júzege asady», - dedi Nasymjan Ospanova.
Onyń aıtýynsha, aldaǵy 5 jylda joba aıasynda 673 myń adamnyń kásibı biliktiligin damytý josparda bar. Onyń ishinde jergilikti bıýdjet esebinen 353 myń adam qamtylatyn boldy. Boljam boıynsha 2021 jylǵa qaraı Qazaqstandaǵy orta bilim alýshylardyń 40 paıyzy jumysshy biliktiligin alady, osylaısha, biliktiligi joq mamandardyń sany 20 paıyzǵa tómendemek.
Mamandar sondaı-aq, Qazaqstandaǵy kásiptik bilim berý salasynyń kenjelep qalýynyń negizgi sebepterin aıtyp ótti.
«Eń aldymen, kásiptik bilim berýge kez kelgen jasóspirimniń qoly jete bermeıdi. Oqý baǵdarlamalary tıimsiz. Oqytýshylardyń biliktiligi jumys berýshilerdiń talabyna saı bola bermeıdi. Qarjylyq júıeniń tıimsizdigi de óz yqpalyn tıgizip otyr. Sondaı-aq, kolledjerdiń óndirispen baılanysy áli de álsiz», - dedi Nasymjan Ospanova.
Aıta ketý kerek, «Barsha úshin tegin kásiptik-tehnıkalyq bilim» jańa jobasyn Memleket basshysy Nursultan Nazarbaev «Ult jospary - qazaqstandyq armanǵa bastaıtyn jol» atty maqalasynda usynǵan bolatyn.
Bıyldan bastap QR BǴM atalǵan baǵytta jumys jasap jatyr.
