Aldaǵy bes jylda 17. mlrd. dollardy quraıtyn 59 jobany júzege asyrý josparlanýda - D. Kóterbekov
ASTANA. Naýryzdyń 15-i. QazAqparat /Qanat Mámetqazyuly/ - Qazaqstannyń kólik salasynda aldaǵy bes jyl ishinde 59 jobany júzege asyrý josparlanýda. Jobalardyń jalpy quny 17. mlrd. dollar shamasynda bolyp otyr.
Búgin Parlament Senatynda «Qazaqstannyń Eýropa elderimen saýda-ekonomıkalyq yntymaqtastyǵynyń perspektıvalary» atty taqyrybynda ótken konferentsııa barysynda Kólik jáne kommýnıkatsııa vıtse-mınıstri Dýlat Kóterbekov osylaı málim etti, dep habarlaıdy QazAqparat.
Vıtse-mınıstrdiń aıtýynsha, elimizdiń kólik ınfraqurylymynyń jaǵdaıy Eýropa men Shyǵys jáne Ońtústik-shyǵys Azııa rynogy arasynda ornalasqan Qazaqstan ekonomıkasy úshin mańyzdy faktor bolyp tabylady. Bul rette Qazaqstannyń tranzıttik múmkindikterine kóp másele baılanysty da bolyp otyr.
«Sondyqtan da, Qazaqstannyń kólik salasyn damytýdaǵy negizgi basymdyqtary Eýrazııalyq jelidegi kólik júıesin yqpaldastyrý, kólik zańnamasyn halyqaralyq talaptarǵa sáıkestendirý, jaǵymdy ınvestıtsııalyq klımat qalyptastyrý baǵyttaryn qamtıdy. Qazaqstan halyqaralyq jáne óńirlik yntymaqtasty nyǵaıtý maqsatynda yqpaldastyq úderisterge belsendi aralasyp otyr. Bul shara 2010-2014 jyldarǵa arnalǵan Údemeli ındýstrııalyq-ınnovatsııalyq damý baǵdarlamasynda kórinis tapty. Sonymen birge, kólik salasynda aldaǵy bes jyl ishinde 59 jobany júzege asyrý josparlanýda. Bul jobalardyń jalpy quny 17. mlrd. dollar shamasynda bolyp otyr», dedi D. Kóterbekov.
Vıtse-mınıstrdiń aıtýynsha, Qazaqstan aýmaǵynan halyqaralyq mánge ıe 6 avtokólik, 9 temirjol, 4 áýe joldary dálizderi ótedi. Bul dálizderdiń geografııalyq ornalasýy negizgi júk aǵynyń halyqaralyq baǵyttaryna sáıkes keledi. «TRASEKA», «Soltústik-Ońtústik», «Eýropa avtokólik joldary», «Eýropa temirjol magıstraldary» sekildi negizgi halyqaralyq dálizderdiń qatysýshysy retinde Qazaqstan Eýrazııalyq kóliktik jelini odan saıyn yqpaldastyrý baǵytyndaǵy sharalardy jalǵastyryp keledi», dedi vıtse-mınıstr.
