Aldaǵy Azıadaǵa 11 sport túrinen sportshylar irikteldi - Týrızm jáne sport mınıstri T.Dosmuhambetov
A. Qańtardyń 19-y. QazAqparat /Rýslan Ǵabbasov/ - Azııa Olımpıadalyq keńesiniń talaptaryna sáıkes respýblıkalyq antıdopıngtik laboratorııa qazirgi zamanǵy medıtsınalyq-dıagnostıkalyq jabdyqtarmen qamtamasyz etildi.
Bul týraly búgin Astanada ótken alqa májilisinde Týrızm jáne sport mınıstri Temirhan Dosmuhambetov málim etti, dep habarlaıdy QazAqparat.
«Aldaǵy Azıadaǵa qatysý úshin 1 sport túrinen 156 sportshy-kandıdat iriktelindi. Olar búginde 122 halyqaralyq jarystarda, sondaı-aq elimizdegi jáne shet elderdegi 177 oqý-jattyǵý saıystarynda qatysty. Atap aıtqanda, sportshylardyń jaǵdaıyn Qazaqstan men Reseıdiń 25 ǵylym doktorynan turatyn keshendi ǵylymı top udaıy qadaǵalap turady», dedi mınıstr.
Mınıstrdiń sózine qaraǵanda, 2011 jylǵy qysqy Azııa oıyndarynyń saltanatty ashylýy rásimi Astanadaǵy jańa jabyq stadıonda qańtardyń 30-ynda ótkizilmek. Al jabylýy Almatydaǵy Balýan Sholaq atyndaǵy sport saraıynda aqpannyń 6-synda uıymdastyrylady. Jalpy, atalǵan dodaly saıysta 9 sport nysandary jumyldyrylmaq. Onyń tórteýi - Astanada, 1-eýi Almaty oblysynda, sonymen birge qalǵan 4-eýi Almaty qalasynda ornalasqan.
