Aldaǵy aılarda janar-jaǵarmaıdyń qazirgi baǵasy saqtalatyn bolady - Munaı jáne gaz mınıstrligi
ASTANA. Shildeniń 16-sy. QazAqparat /Rýslan Ǵabbasov/ - Aldaǵy aılarda janarmaıdyń qazirgi baǵasy saqtalyp turady.
Bul týraly búgin Astanada QR Munaı jáne gaz vıtse-mınıstri Áset Maǵaýov málim etti.
«Qazirgi kezde Aı-93 markaly benzınniń baǵasy - 86 teńgeden, Aı-80 benzıni - 68 teńgeden, sondaı-aq dızel otynynyń ár lıtri 69 teńgeden aspaýy tıis. Endi osy baǵa aldaǵy eki aıda saqtalyp turady degen oıdamyz. Atap aıtqanda, odan keıin de baǵanyń kúrt ósýi bolmaıdy dep paıymdap otyrmyz»,- dedi vıtse-mınıstr. Osyǵan baılanysty ol bul baǵytta birlesken komıssııanyń jumysy júrip jatqanyn, onyń quramyna munaı óńdeý zaýyttarynyń ókilderi, ákimdikter osy naryqtaǵy jaǵdaıǵa zerdeleý sharalaryn júrgizip otyrǵandyǵyn jetkizdi.
Sonymen qatar vıtse-mınıstr agrarlyq sektorǵa bólinetin janar-janarmaı máselesine de toqtalyp ótti.
«Kóktemgi egiske 300 myń tonnadan astam janar-janarmaı berildi, al kúzgi egin oraǵy naýqanynda 400 myń tonnaǵa jýyq jetkizýdi josparlap otyrmyz. Esh tapshylyq bolmaıdy degen oıdamyz»,- dedi ol.
