Aldaǵy aptadan bastap el azamattaryn ózi tańdaǵan emhanaǵa tirkeý júrgiziledi - QR DSM
Bıyl qazaqstandyqtar ózi tańdaǵan medıtsınalyq mekemeni Internet (www.egov.kz «elektrondyq úkimet» saıty) arqyly da bekite alady. Bul týraly búgin Astanada ótken baspasóz máslıhatynda QR Densaýlyq saqtaý mınıstrligi Medıtsınalyq kómekti uıymdastyrý departamentiniń dırektory Ajar Tóleǵalıeva málim etti.
Aıta keteıik, elimizde 2010 jyldan bastap ár azamatqa medıtsınalyq uıymdy erkin tańdaý quqyǵy berildi. Eger naýqas turǵylyqty meken-jaıyn, jumysyn ózgertse nemese basqa emhana qyzmeti unasa, onda atalǵan quqyǵyn paıdalana alady.
Departament dırektorynyń aıtýynsha, azamat ózi tirkelgen emhanasynyń qyzmetin laıyqty kórse, bul naýqanǵa qatyspaýyna bolady.
«Búgin Densaýlyq saqtaý mınıstrligi barsha elimizde turǵyndardy emhanalarǵa erkin tirkelý sharasynyń bastalǵanyn habarlaıdy. Bul jyl saıyn ótkizilip otyrady. Atap aıtqanda, zańnamaǵa sáıkes elimizdiń árbir azamaty medıtsınalyq uıymdy óz erkimen tańdaýǵa quqyǵy bar. Osy oraıda bul naýqan kezinde kez kelgen azamat ózi emdelip, tekseriletin medıtsınalyq uıymdy ár jyl saıyn tańdaýǵa múmkindigi bar»,-dedi departament dırektory.
