Aldaǵy aptadan bastap aýanyń temperatýrasy 25 gradýsqa deıin joǵarylaıdy - Qazgıdromet
ASTANA. 3 qazan. QazAqparat - Aldaǵy aptadan bastap aýanyń temperatýrasy 25 gradýsqa deıin kóteriledi.
Bul týraly QazAqparatqa «Qazgıdromet» RMK-nyń jetekshi ınjener-sınoptıgi Gúlmıra Ákisheva habarlady.
«Qazan men qarasha jyly bolady dep kútilýde. Degenmen qazanda kúnniń salqyndaýynyń eki tolqyny bolmaq. Atap aıtqanda, 4-5 qazanda kún birshama salqyndaıdy, soltústik, shyǵys, ortalyq óńirlerde tsıklon oryn alady jáne keı jerlerde jaýyn jaýady. Osy oraıda soltústik aýmaqtarda jaýynnyń sońy qarǵa ulasýy múmkin. Kún ashylǵannan keıin aýa temperatýrasy túnde 0 nemese -5 aralyǵyna deıin tómendeıdi»,-dedi ol.
Sonymen qatar kúnniń salqyndaýy ońtústik óńirlerdi de aınalyp ótpeıtin kórinedi. ıAǵnı, temperatýra 0-3-ke deıin tómendeıdi dep kútilýde.
«Al aldaǵy dúısenbiden bastap temperatýranyń joǵarylaýy yqtımal. Batys, ońtústik-batystan soqqan jeldiń áserinen aýa temperatýrasy soltústik óńirlerde 18-25-ke deıin, al ońtústik aýmaqtarda 20-25-ke deıin joǵarylaıdy. ıAǵnı, kún qaıta jylynady»,-dedi G. Ákisheva.
