Aldaǵy aptadan barlaýǵa arnalǵan jeńildetilgen tártipte jer qoınaýyn paıdalaný quqyǵyna ótinish berý bastalady
ASTANA. QazAqparat - 2015 jyldyń 24 qarashasynan bastap barlaýǵa arnalǵan ońaılatylǵan tártipte jer qoınaýyn paıdalaný quqyǵyn alýǵa ótinish berý bastalady. Bul týraly QR IDM málimetinde habarlandy.
Atap aıtqanda, modeldik kelisim-shartty jasasý merzimi ótinish berý kúninen bastap 25 kúnniń ishinde júzege asady.
«QR Investıtsııalar jáne damý mınıstrligi «Jer qoınaýy jáne jer qoınaýyn paıdalaný týraly» QR Zańynda alǵashqy geologııalyq barlaýǵa ınvestorlardyń qosylýyn tartý úshin Avstralııa úlgisi boıynsha jer qoınaýynyń az zerttelgen ýchaskelerin barlaý úshin jer qoınaýyn paıdalaný quqyǵyn usynýdyń ońaılatylǵan tártibi engizildi», - delingen vedomstvo málimetinde.
Qanatqaqty joba retinde jańa ornyn anyqtaý úshin tıisti rásimderdi ótkizýge arnalǵan perspektıvaly bolyp tabylatyn Stepnogorsk qalasynyń aýdany belgilendi. Munan bylaı basqa da az zerttelgen Qazaqstan aýmaqtary qamtylady.
«Jer qoınaýy jáne jer qoınaýyn paıdalaný týraly» QR Zańynyń talaptaryna sáıkes, ótinish berýshi barlaý úshin ońaılatylǵan tártippen jer qoınaýyn paıdalaný quqyǵyn alý úshin ótinim jiberedi.
