Aldaǵy aptada «Shańyraq» shyǵarmashylyq konkýrsyna ótinishterdi qabyldaý bastalady
ASTANA. QazAqparat - 2014 jyldyń 6 qazanynda Etnojýrnalıstıka salasyndaǵy «Shańyraq» respýblıkalyq shyǵarmashylyq konkýrsyna qatysý ótinishterin qabyldaý bastalady. Bul týraly búgin QR Mádenıet jáne sport mınıstrliginiń baspasóz qyzmetinen habarlandy.
Baıqaý birneshe baǵyttardaǵy atalymdar boıynsha ótedi: Qazaqstan qoǵamyndaǵy etnosaralyq kelisimdi nyǵaıtýǵa baǵyttalǵan úzdik maqalalar, tele-radıobaǵdarlamalar; qazaqstandyq patrıotızmdi nyǵaıtý jolyndaǵy memlekettik rámizderdiń rólin jarııalaıtyn úzdik maqalalar, tele-radıobaǵdarlamalar; ulttyq mádenı ortalyqtar qyzmetin túsindirý jónindegi úzdik maqalalar, tele-radıobaǵdarlamalar; Qazaqstan etnostarynyń mádenıeti men salt-dástúrin damytýǵa baǵyttalǵan úzdik maqalalar, tele-radıobaǵdarlamalar; memlekettik tildiń rólin kóterýge baǵyttalǵan úzdik maqalalar, tele-radıobaǵdarlamalar.
Búkil jumystar buqaralyq aqparat quraldarynda 2014 jyldyń basynan bastap, 6 qazan aralaǵynda jarııalanǵan bolýy kerek.
Konkýrsqa qatysýshylar konkýrstyq materıaldardy uıymdastyrý komıtetine 2014 jyldyń 6 qazan men 6 qarasha aılary aralyǵynda usyna alady. Tolyǵyraq aqparatty www.mki.gov.kz saıtynan alýǵa bolady.
