Aldaǵy aptada RF Bas prokýratýrasy Muhtar Ábilázovti Reseıge tapsyrtýǵa talpynyp kóredi
ASTANA. QazAqparat - RF Bas prokýratýrasynyń ókilderi Muhtar Ábilázovti Reseıge ekstradıtsııalaý boıynsha frantsýzdyq Lıon qalasyndaǵy sot otyrystaryna qatysady.
RF Bas prokýratýrasynyń málimetine qaraǵanda, 2014 jylǵy 3 maýsymda Lıon qalasynyń Apellıatsııalyq soty qazaqstandyq BTA bank dırektorlar keńesiniń burynǵy tóraǵasy Muhtar Ábilázov pen Máskeý oblysy Úkimeti tóraǵasynyń burynǵy birinshi orynbasary Alekseı Kýznetsovty qylmystyq jaýapkershilikke tartý úshin RF-ke tapsyrý ótinishterin qarastyrý boıynsha sot otyrystaryna reseılik taraptyń ókilderin qatystyrý qoldaýhatyn bekitti.
Degenmen de atalǵan kúdiktilerdiń qorǵaýshylary reseılik ókilderdiń sot otyrystaryna qatysýyna qarsylyq tanytqan.
Aıta keteıik, Ábilázov pen Kýznetsov Frantsııada 2013 jyldyń shildesinen beri qamaýǵa alynǵan bolatyn.
Eki is boıynsha sot otyrystary Lıon qalasynda bıylǵy 12 maýsymda ótedi. Osy oraıda RF Bas prokýratýrasynyń ókili atalǵan otyrystarǵa qatysý úshin Frantsııaǵa baratyn boldy.
Eske salsaq, BTA Banki Dırektorlar keńesiniń burynǵy basshysy, Qazaqstan azamaty M. Ábilázov 31 shilde kúni Frantsııada ustalǵan bolatyn. Bankırdi berýdi Reseı, Ýkraına jáne Qazaqstan quqyq qorǵaý organdary talap etken edi. Toqtala ketetin jaıt, Qazaqstan men Frantsııa arasynda ekstradıtsııalaý týraly kelisim joq.
