Aldaǵy aptada Májilis depýtattary munaı, avıatsııa, kólik jáne keden odaǵyna qatysty zań jobalaryn talqyǵa salady

Bul jóninde búgin QR Parlamenti Májilisiniń Tóraǵasy Oral Muhamedjanovtyń jetekshiligimen ótken Palata Bıýrosynyń otyrysyndabelgili boldy, dep habarlaıdy QazAqparat.

Bıýro otyrysyndaMájilistiń jalpy otyrysyna shyǵarylatyn máseleler qaraldy. Depýtattardyń talqysyna keıbir zańnamalyq aktilerge munaı jáne munaı ónimderiniń aınalymy salasynda memlekettik baqylaýdy kúsheıtýge qatysty zań jobasyn birinshi oqylymda qaraý máselesi usynylatyn boldy. Sondaı-aq birinshi oqylymda «Qazaqstan Respýblıkasynyń áýe keńistigin paıdalaný jáne avıatsııa qyzmeti týraly», «Qazaqstan Respýblıkasynyń keıbir zańnamalyq aktilerine kólik máseleleri boıynsha ózgerister men tolyqtyrýlar engizý týraly» zań jobalaryn talqyǵa salý kózdelip otyr.

Májilistiń jalpy otyrysynyń kún tártibine Palatanyń Halyqaralyq ister, qorǵanys jáne qaýipsizdik komıtetiniń usynýymen «Keden odaǵynyń kedendik aýmaǵynda sáıkestikti mindetti baǵalaýǵa (rastaýǵa) jatatyn ónimniń aınalymy týraly kelisimdi ratıfıkatsııalaý týraly», «Shanhaı yntymaqtastyq uıymyna múshe memleketterdiń úkimetteri arasyndaǵy halyqaralyq aqparattyq qaýipsizdikti qamtamasyz etý salasyndaǵy yntymaqtastyq týraly kelisimdi ratıfıkatsııalaý týraly» zań jobalary engiziletin boldy.