Aldaǵy aptada Qazaqstanda «BI Juldyzaı 2016» festıvaliniń irikteý týry bastalady (FOTO)
«Bıyl festıval dástúrli alty atalym boıynsha 11-shi ret uıymdastyrylmaq. Qazirgi kezde osy festıvalǵa qatysýǵa 8 myńǵa jýyq ótinim kelip tústi. Atap aıtqanda, biz elimizdiń barlyq óńirlerin aralap shyǵamyz. Bul rette festıval aıasynda jańa talanttardy anyqtaımyz degen úmittemiz», - dedi A. Táńirbergenova.
«BI Juldyzaı» balalar shyǵarmashylyǵynyń respýblıkalyq festıvali jyl saıyn Qazaqstannyń barlyq óńirleriniń balalaryn biriktiredi. Festıvaldiń negizgi maqsaty - múmkindigi shekteýli balalardy shyǵarmashylyq áleýmettendirý. Osy ýaqytqa deıin festıvalge 36 583 bala qatysty.Festıval túlekteri Bala Tukvisyon baıqaýynyń, Belaıa Trost festıvaliniń, 2015 jylǵy MÝZ-TV syılyǵynyń qatysýshylary jáne Qazaq Ulttyq Óner Ýnıversıtetiniń stýdentteriniń qatarynda.
Ádilqazy alqasy quramyndaǵy Qor jetekshileri men qazaqstandyq estrada juldyzdary Almaty, Taldyqorǵan, Shymkent, Taraz, Qyzylorda, Atyraý, Aqtaý, Aqtóbe, Oral, Óskemen, Pavlodar, Kókshetaý, Petropavl, Qostanaı, Qaraǵandy jáne Astana qalalaryn aralap shyǵady.
Ádilqazy alqasy qatysýshylardyń ónerin: «horeografııa», «vokaldyq oryndaý», «aspaptyq oryndaý», «ándi ısharalyq oryndaý», «sándik-qoldanbaly shyǵarmashylyq», «beıneleý óneri» atalymdary boıynsha baǵalaıdy.
Ekinshi irikteý týryna ótken qatysýshylardy elimizdiń basty sahnasynda óner kórsetý, sheberlik synyptary, ekskýrsııalar, kórmeler, tanymal otandyq juldyzdarmen, jańa dostarmen kezdesý jáne tamasha merekelik qyzyq mazmundy baǵdarlama kútip tur.
Balalar shyǵarmashylyǵynyń respýblıkalyq festıvali dástúr boıynsha Balalardy qorǵaý kúni - 1 maýsymda «Qazaqstan» Ortalyq kontsert zalynda támamdalady.
Festıval jyl saıyn Qazaqstan Respýblıkasy Bilim jáne ǵylym mınıstrliginiń, sondaı-aq oblystyq jáne qalalyq Bilim basqarmalarynyń qoldaýymen ótkizilip keledi.
