Aldaǵy aptada el aýmaǵynda qaýipsiz jol qozǵalysynyń aktsııasy bastalady
ASTANA. 12 qarasha. QazAqparat - 20 qarasha Dúnıejúzilik jol-kólik oqıǵasy (JKO) qurbandaryn eske alý kúni retinde atalyp ótedi. Jyl saıyn Qazaqstanda jáne álemde BUU qararyna sáıkes qarashanyń úshinshi demalys kúni - Dúnıejúzilik JKO qurbandaryn eske alý kúni retinde belgilenedi.
Bul sharanyń maqsaty - jol qozǵalysy qatysýshylarynyń yqtımal qaýip-qaterine nazar aýdarý, apattylyqtyń aldyn alý jáne joldarda quqyq buzýshylyqtarǵa qatańdatylǵan qarsy is-qımyldy alǵashqy josparǵa shyǵarý, ózara syılastyq, jolda qaýipsizdik erejesin saqtaý, júrgizýshilerdiń mádenıetin arttyrý turǵysynan jol qozǵalysy qatysýshylarynyń sanasyn ózgertýde áleýetti qoǵamdyq qoldaý kórsetý, JKO-da qaıtys bolǵandary eske alý jáne aýyr qazaǵa ushyraǵan otbasylarynyń qaıǵysyna ortaqtasý.
Qazaqstan Respýblıkasy ІІM Jol polıtsııasy komıtetiniń málimetine qaraǵanda, osyǵan baılanysty 2011 jyldyń 14-20 qarasha aralyǵynda ІІM «Qaýipsiz jol qozǵalysynyń aptalyǵy» atty respýblıkalyq keń kólemdi aktsııa ótkizýdi josparlady. Onyń aıasynda jol qozǵalysy erejelerin saqtaýǵa jáne nasıhattaýǵa negizdelgen, sondaı-aq jol-kólik júıesinde jaraqattanýdyń alýǵa baǵyttalǵan birqatar is-sharalar ótkiziledi.
Jyl saıyn jol-kólik oqıǵalarynyń qurbandaryn eske alý ıdeıasy - osy kúndi 1993 jyldan bastap atap ótip kele jatqan «RoadPeace» ulybrıtandyq JKO qurbandaryna kómek kórsetý qaıyrymdylyq qorynan týyndady. 2005 jyldyń 26 qazanynda BUU-nyń Bas Assambleıasy óz qararynda búkil álem boıynsha barlyq múshe elderdi Búkilálemdik JKO qurbandaryn eske alý kúni retinde belgilep, ony qarashanyń úshinshi demalysynda atap ótýge shaqyrdy.
