Aldaǵy 6 jylda elimizde 25 sý qoımasy salynady – mınıstrlik
«2023-2029 jyldar aralyǵynda memlekettik menshik deklaratsııasyn ázirleýdi eskere otyryp, 77 sý sharýashylyǵy obektilerine kóp faktorly tekserý júrgiziledi. Sonymen qatar, 3,5 myń shaqyrym sýarý kanaldary jóndeýden ótedi. 25 jańa sý qoımasyn salynady, jumys istep turǵan 16 qoıma qaıta jańǵyrtylady», - delingen Ashyq NQA portalynda jarııalanǵan 6 jyldyq tujyrymdamada.
Ekologııa jáne tabıǵı resýrstar mınıstrliginiń málimetinshe, keler jyly kanaldar arqyly beriletin sýdyń tarıfteri de qaıta qaralady.
«Ǵylymı negizdilik, ekonomıkalyq oryndylyq jáne Qazaqstan astanasyn sýmen qamtamasyz etý boıynsha qolaıly jobany tańdaý turǵysynan zertteýler júrgizý qajet. Ol jumystar 2025 jyly qolǵa alynady. Nátıjesinde Astana sý qoımasy jóndeýden ótedi, ondaǵy shógindiler tazartylady», - dep jumys jospary baıandalǵan tujyrymdamada.Qujat 20 maýsymǵa deıin kópshilik talqylaýda bolady.