Aldaǵy 5 jylǵa arnalǵan Eńbek naryǵyn damytýdyń keshendi jospary bekitilmek
ASTANA. QazAqparat – «Eńbek naryǵyn damytýdyń 2028 jylǵa deıingi keshendi josparyn bekitý týraly» QR Úkimet qaýlysynyń jobasy kópshilik talqylaýǵa shyǵaryldy, dep habarlaıdy QazAqparat tilshisi.
«Qaýly jobasyn qabyldaýdyń maqsaty saıasat «azamattardyń jekelegen osal sanattaryn jumyspen qamtýǵa járdemdesýden» «eńbekke qabiletti azamattardyń barlyq sanattaryn nátıjeli jumyspen qamtý úshin teń bastapqy jaǵdaılar jasaýǵa» kóshýdi kózdeıdi», - delingen qujatta.
Keshendi jospar 4 negizgi damý baǵytty qamtylǵan. Qujatta kórsetilgendeı, aldaǵy 5 jylda eńbek naryǵyn ilgeriletý úshin myna jumystar jasalady:
- «Sapaly jumys oryndaryn» esepke alý tujyrymdamasy men ádisnamasyn Normatıvtik bekitý;
- Shaǵyn jáne orta bıznes sektorynda jańa kásiporyndardy damytý úshin qolaıly jaǵdaılar jasaý;
- Óz qyzmetkerleriniń quzyretin arttyrý úshin kásiporyndardy yntalandyrý;
- Jastar tarapynan jumys oryndaryna ósip kele jatqan qajettilikti qanaǵattandyrý úshin kásiporyndardy qoldaý tetikterin qurý;
- Tıimdi erte kásibı baǵdarlaýdan bastap úzdiksiz kásibı damý mádenıetin engizý jáne damytý;
- Múgedektigi bar adamdar úshin múmkindikter jasaý;
- CRIRSCO úlgisi boıynsha ázirlengen KAZRC Kodeksi boıynsha jarııa eseptiliktiń halyqaralyq standarttaryna kóshý;
- Shyǵyndardy azaıtý jáne ınvestıtsııalanǵan resýrstardyń kiristiligin arttyrý arqyly óńdeý ónerkásibiniń tartymdylyǵyn arttyrý;
- Shıkizat resýrstaryn bólý jónindegi memleket mandatyn paıdalaný jáne jeke ınvestorlar úshin erekshe jaǵdaılar jasaý arqyly keńistiktik damýdy eskere otyryp, óńdeý ónerkásibinde iri kapıtaldy jáne ǵylymdy qajetsinetin jobalardy damytýdy qoldaý;
- Saralanǵan salalyq salyq stavkalaryna kóshý arqyly orta ónerkásiptik kompanııalar úshin fıskaldyq yntalandyrýlardy engizý, onyń ishinde stavkalardy tómendetý jáne qosylǵan qun salyǵy men korporatıvtik tabys salyǵyn ákimshilendirý tártibin jeńildetý.
- Óndiristegi jazataıym oqıǵalar men ólimdi azaıtýǵa qarjylyq yntalandyrýdy engizý arqyly kásiporyndardy eńbek qaýipsizdigin arttyrýǵa yntalandyrý.
-
Osy jumystardy oryndaý esebinen myna nátıjelerge qol jetkizý josparlanyp otyr:
- 2028 jylǵa qaraı jumyssyzdyq deńgeıin 4,7%-ǵa deıin tómendetý;
- sapaly jumys oryndarynyń sanyn 3,5 mln jumys ornyna deıin ulǵaıtý.
Keshendi jospar 5 mamyrǵa deıin kópshilik talqylaýda bolady.
