Aldaǵy 5 jyldyń ishinde 120 myńnan astam ustaz biliktiligin arttyrady - B.Jumaǵulov
ASTANA. 4 sáýir. QazAqparat - Aldaǵy 5 jyldyń ishinde 120 myńnan astam ustaz biliktiligin arttyrady. Bul týraly búgin elordadaǵy Nazarbaev zııatkerlik mektebinde óz jumysyn bastaǵan jalpy bilim beretin mektepter pedagogtarynyń biliktiligin arttyrý kýrsy barysynda QR Bilim jáne ǵylym mınıstri Baqytjan Jumaǵulov aıtty.
Onyń sózine qaraǵanda, 2012 jyldan bastap elimizdiń ustazdary Pedagogıkalyq sheberlik ortalyǵy men «Órleý» ulttyq pedagogtardyń biliktiligin arttyrý ortalyǵynan úsh deńgeıli oqytý baǵdarlamasyna sáıkes daıyndyqtan ótedi. Atalǵan baǵdarlamany Nazarbaev zııatkerlik mektepteriniń pedagogtary Kembrıdj ýnıversıtetiniń bilim berý fakýltetimen birlesip ázirlegen.
«Pedagogtardyń biliktiligin arttyrý júıesin jańǵyrtyp, qaıta iske qosýǵa arnalǵan besjyldyq joba elimizdiń 120 myńnan astam pedagogyn oqýmen qamtýǵa múmkindik beredi. Bul oqytýshylar korpýsynyń shamamen jarysyna teń», - dedi ol.
